بسم الله نبدا
النهاردة معادنا مع فطير الفطاطرى بس بالجلاش من غير عجن ولاغيره
يالا على الطريقة
باكيت جلاش
سمنة سايحة
اى حشو تفضليه انا عملته بالفراخ
جبنة موتزاريلا
طماطم مقطعة مكعبات صغيرة
فلفل اخضر مقطع
بيضة
شوية لبن صغيرين
نحضر الحشو انا عملت فراخ
وراك مقطعة مكعبات صغيرة او صدور زى ماتحبو تبلتها وشوحتها مع البصل وقطعت معها فلفل اخضر ونقلب حتى يتشوحوا كويس والفراخ تشرب ميتها وتتحمر
نحضر صينية وندهنها كويس بالسمنة ونفرد عليها الجلاش داير مايدور ويكون جزء من الجلاش جوه الصينية واطرافه بره الصينية بالشكل ده وبين كل طبقتين جلاش ندهن سمنة ونترك ورقتين جلاش على جنب علشان نغطى بيه الحشو
ثم نضع تلتربع كمية الحشو فى المنتصف وعليه الجبنة الموتزاريلا وباقى الحشو نتركه للوجه
ثم نضع ورقتين الجلاش اللى كنا سيبينهم على جنب فوق الحشو وندهنهم بالسمن ثم نقفلهم بالاطراف الخارجية للجلاش ونقفلهم كويس علشان يبقى شكل دائرى وندهن الوجه بالسمن
وندخلهم الفرن والع تحت وفوق لمدة دقائق حتى يبدا الوجه يلون باللون الذهبى ونخرجه من الفرن
ونكون خالطين باقى الحشو مع الطماطم المقطعة والفلفل الاخضر ونرب بيضة ونضعها عليهم ونخلط ثم ننزل بيهم على وجه فطيرة الجلاش ونرش اطراف الجلاش داير مايدور بشوية لبن صغيرين علشان تبقى طرية وهشة زى فطير الفطاطرى
وندخلها الفرن والع تحت فقط اولا حتى تحمر من تحت ثم نولع الشوايه تاخد لون حلو من فوق وبالهنا والشفا حطيت كاتشب عليها عند التقديم يم يم
وده شكلها من جوه
يابنات بتبقى طرررررررررررية زى بتاعة الفطاطرى بالظبط والله بس لازم تلتزموا باللى انا كاتباه
اللى هو الحشو اللى بالبيض على الوش ونشربها باللبن على الاطراف
مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر