ازيكم يا بنات ان شاء الله تكونوا بخير
النهاردة جبت لكم طريقه جديده للفراخ سهله جدا وجميله وولادك هيحبوها اوى
الطريقه دي انا جربتها وكانت تحفه
انا دلوقت هقولكم علي طريقه عمل فرختين
المقادير :
فرختين
3 اكياس فيجيتار عادي او حار حسب الرغبه ( الكيس الصغير اللى بجنيه)
3ملاعق دقيق
4ملاعق نشا
بهارات
3 بيضات
بقسمات مطحون
كوب ماء
طريقه العمل :
اولا لتحضير الخلطه :
نخلط كل المكونات السابقه ( الفيجيتار والدقيق والنشا والبقسمات والبيض) نخلطهم جيدا وممكن نضيف كوب ماء لتسهيل العجن حتى تصبح قوامها مثل عجينه الكيك
وبعد العجن نترك العجينه
وبعد ذلك نجيب الفراخ ونقطعها قطع صغيرة ( يتم تقطيع الصدور الي انصاف والاوراك الي نصفين ونقطع الاجنحه بمفرها)
وبعد ذلك نحضر صينيه كبيره ونرص فيها قطع الفراخ ونبشر عليها بصلتين كبار وقطعه زبده وبهارات وملح وكمون وفلفل اخضر وطمطمايه
ونحطها علي النار ونغطي عليها ونهدئ النار قليلا ونتركها حوالى ساعه حتى تنضج
وبعد ذلك ترفع الفراخ من علي النار ونأخذ كل قطعه نغمسها في عجينه الفيجيتار السابقه ونضعها في الزيت الساخن ونحمر الفراخ حتى تصبح لونها ذهبي
وبعد ذلك نضع الفراخ في طبق التقديم
وممكن تعملي جنبها سلطه طحينه او مكرونه او اى اكله خفيفه
ولعمل سلطه الطحينه:
نضع الطحينه في الاناء ونضع عليها ماء ساخن وملح وزيت وخل وخضرة او كسبرة خضرة وقليل من الفلفل الاسود ونقلبها جيدا حتى تصبح متماسكه او حسب الرغبه
وممكن العجينه دي تستخدميها في السمك او القرنبيط او البطاطس المسلوقه عند تحميرها
وبالهنا والشفا
ولو عجبكم موضوعي ممكن تدعولي ربنا يفك كربي ويحقق اللي في بالي قريب
تمنياتى ان يعجبكم موضوعي
مواضيع هذا القسم برعاية
لاجئه الي ربي لاجئه الي ربي 399267_12.gif فتكات رائعة Fatakat 399267 cairo – egypt