السلام عليكم ورحمة الله وبركاتة
======
اخواتى العزيزات – ان شاء الله هترجم لكم اكلات منتقاه من المطابخ الاوروبية
وان شاء الله اترجم لكم الموضوعات كلها بعون الله
ولو عاجبكم الفكرة ياريت تشجعونى عشان هجيبلكم ان شاء الله موضوعات كتيرة جدا مميزة
وما عليكم الا الدعاء لى ان يشفينى الله
ورمضان كريم عليكم ان شاء الله
اول موضوع بترجمه وانقله ليكم ان شاء الله
هوة
الدجاج بالشمر والجبنة
المكونات
2 معلقة زيت زيتون بكر
2 معلقة شمر مجفف
قرن فلفل احمر مقطع شرائح ناعمة
8 شرائح صدور دجاج
خبز عربى
كوباية جبنة موتزاريلا او برميجان
الطريــــــــــــــقة
سخنى الفرن على اعلى درجة عندك
هاتى طاسة وسخنى زيت الزيتون وشوحى الفلفل الاحمر شوية ورشى علية الشمر
افضلى قلبى 5 دقايق
بعد كدة ارفعى الفلفل اللى اتشوح فى طربق جانبى وفى نفس الطاسة حطى صدور الدجاج ولو عايزة تحطى ملح براحتك بس الاجانب مش بيحطوا ملح كتير فى اكلهم الا ساعة الوقت وحسب الرغبة
الوقتى خلى الفراخ تاخد اللون الذهبى فى الطاسة
تكونى محضرة خبز عربى او عيش شامى او لبنانى زى ما تحبى
اقطعية اربع وادهنية بزيت الزيتون
حطى على طل قطعة خبز شريحة صدر الفراخ ومعلقة فوقهم من الفلفل الاحمر اللى بشمر ورشة جبنة
ودخليهم الفرن ربع ساعة او 10 دقايق لحد ما الجبنة تسيح
وبالف هنا وشفا
ارجو ان يكون الموضوع عجبكم والترجمة تكون سهلة وواضحة
وادعو لى بالشفاء مواضيع هذا القسم برعاية
قطة شيراز قطة شيراز images/flowersavatars/avatar0028.jpg فتكات رائعة Fatakat 114624 ام الدنيا – مصر الحبيبة