السلام عليكم
اللى تعرف المندى و بتحبه دى طريقته سهلة و ان شاء الله تعجبكم و اللى مش تعرفه جربيه و ان شاء الله يعجبك
ودلوقتى على المقادير
نصف فرخة متبلة كويس ببصل و ليمون و ملح و فلفل و بهارات زى ما تحبى
و خضار مقطع زى ماتحبى جزر فلفل بطاطس…انا استخدمت هنا بطاطس
2 كوب ارز مغسول(لو عندك رز بسمتى حيبقى حلو انا عملته برز مصرى و طلع حلو اوى برضه)
1- تجيبى البايركس او اى صينية عندك و تحطى فيها الرز و عليهم 2 و نصف كوب مياة و ملعقة سمنة او زبدة و ملعقة صغيرة و نصف ملح و رشة فلفل و عيدان قرفة او اى توابل بتحبيها3- تغطى الصينية بطبقتين فويل و تعملى فيهم شقوق بالشكل دة4- ترصى الفراخ و الخضار المقطع كدة5- غطى الفراخ بفويل تانى ودخليها الفرن لمدة ساعة كاملة الفرن 6- بعد ساعة حتكشفى الفويل من على الفراخ حيبقى شكلها كدةو تدخليها تانى لمدة 20 دقيقة لحد ما وشها يتحمر7- تنقلى الفويل و عليه الفراخ على طبق تانى و لو عندك فحمة ولعيها و حطيها فى فويل او فنجان فيه زيت و حطيه فى وسط الرز و غطى شوية كدة 5 دقائق الرز حياخد طعم حلو اوى
ودة طبقى المتواضع فى شكله النهائى و بالف هنا و شفا
مواضيع هذا القسم برعاية
A B ENSANA A B ENSANA فتكات جديدة Fatakat 126703 CAIRO – EGYPT