ازيكم يافتوكات عاملين ايه
النهارده هعمل الفراخ المشويه بطريقه
سهله وبسيطه جدا وفى فرن البوتاجاز العادى
لاشوايه ولا جريل ولا ميكروويف
فراخ بعدد الافراد
بصل مبشور
معلقه توم بودر
ملح وفلفل اسمر
رشه خفيفه زعفران
معلقه زعتر بودر
ليمون
معلقه روز مارى
بطاطس شرايح
فلفل اخضر شرايح
بصل شرايح
انا متعوده اجيب كميه فراخ واتبلها والفها فى ورق
فويل وعلى الفريزر واطلعها من بالليل على رف التلاجه
بنخلط البصل مع التوم البودر والملح والفلفل
والزعتر والزعفران وندعكهم مع بعض للتتبيله
ونغسل الفراخ كويس ونقطعها بالطول ونبتدى نتبل
انا بفرش ورقه فويل واحط عليها من التتبيله واحط فوقها
الفراخ وعليها التتبيله برضه واعصر الليمون والفها فى ورقه
الفويل بتخلى الفراخ تشرب التتبيله جامد وتحافظ عليها لو هتحطيها
فى الفريزر وكل ما تقعد فى التتبيله اكتر الطعم بيبقى احلى واجمل
نحط شرايح البصل وعليها شرايح الفلفل
والبطاطس ونرش عليهم رشه ملح وفلفل خفيف
ونحط الفراح عليهم ونصف كوب ميه فى الصنيه متكتريش
الا لو الصنيه نشفت من غير الفراخ ماتستوى ممكن تزودى
شويه كمان ونغطيها بالفويل ونحطها فى الفرن على نار عاليه
لغايه ماتدخل فى السوا نرفع الفويل ونسيبها تتحمر
وعملت معاها رز بالكارى ودى الصور النهائيه
الرز بالكارى زى الرز الابيض بالظبط بس وانتى بتحطيه
على النار دوبى معاه معلقه كارى وسبيه يستوى
لو مش بنحب البطاطس فى الفرن ممكن
نشوى الفراخ بس من غير اى خضروات ولا بطاطس
ونقدمها جنبها بطاطس محمره زى الصور كده
انا كده خلصت الحمد لله يارب الموضوع المتواضع يعجبكم
متنسوووووووووووش التقييييييييم
مواضيع هذا القسم برعاية
سيسو زيزو سيسو زيزو 822446_8.gif فتكات غالية قوي Fatakat 822446 المنصوره – مصر