السلام عليكم
فتوكاتى العزيزات من مطبخ مستجابة الدعاء اتحدث اليكم
هههههههههههههههههههههه
يلا دوغرى بلا كلام اهم حاجة الاكل
ههههههههههههههه
انا روحت اجيب فراخ كان عندى ضيوف
لقيت الفراخ صغيرة جبت وامرى لله هعمل اية
بحكى لاختى قالت لى احشيهم
قولت ومالو يلا بينا نحشى
هنجيب الفراخ الواحدة كيلو ونص ونغسلها كويس ونشطفها تمام
تعالى يا مسكينة يا حلوة هههههههههه
هنعمل الرز اللى هنحشى بية انا جبت كوبيتين ونص رز
وبصلة متوسطة وملح وفلفل وزبدة وشوية مية كوباية الا ربع
وكلة على بعضة وفالحلة على النار لحد مايتنشف والرز يستوى 80 فالمية كدة
عشان ماياخدش وقت فالفرن
(ممكن تحشى اى حاجة بتحبيها)
ونزود مية حبة بحبة لو حسينا انة لسة نى قوى
دى البت لولو بنتى بتقلب وانا بصور
وبعدين اجيب الفرخة
واسلك الجلد من فوق من عند الصدر واديلة بقى وحشيتها وظبتها ولا الديك الرومى
هههههههههههههه
هى اتقطعت منى مش مشكلة عادى ولا يهمنى
هنجيب التانية ونحشيها كمان
وبعد كدة
هنجيب بطاطس ونقطعها مكعبات صغيرة
وبعدين هنقطع طماطم وفلفل اخضر زى السلطة كدة وبصلة كبيرة
وتوم مدقوق وملح وفلفل وبابريكا وشطة لو تحبى
ونقلب كويس
هنجيب كيس الفرن هما خمسة مع بعض ب5 جنية
هنجيب معلقة دقيق ونعفر بيها الكيس من جوة عشان الاكل ميلزقش فيه
هناخد نص كمية البطاطس ونحطها فالكيس
ونحط فوقيها الفرخة طبعا الفرخة والبطاطس والطماطم بينزلوا مية متقلقيش
ونربط الكيس بالسلك هو موجود مع الاكياس دى عشان نربط بيها
ونحطهم فالصنية
ونخرم الكيس بسن السكينة من فوق عشان الكيس ميطقش
ويطلع البخارولا زم تاخدى بالك الفتحة فوق عشان السوايل متخرجش من الكيس
ودى بعد شوية
هنا خلاص الحمد لله خدت حوالى ساعة
بالراحة شيلت الكيس
وحطيتة فالصنية
وفتحتة بالسكية وشديتة بالراحة من تحت
انا غلطت المفروض كنت ربطت رجلين الفرخة مع بعض عشان الشكل
انا عملت جنبها رز ابيض
بس بصراحة كل واحد اخد الربع افرخة بالرز ومقدرناش ناكل اى حاجة تانى
يارب يعجبكم
متنسوش التكييم بليز
هههههههههه
ودعوة حلوة ولكم بالمثل
مواضيع هذا القسم برعاية
مستجابة الدعاء مستجابة الدعاء 649029_12.gif يارب وفقنى لكل خير Fatakat 649029 بيتى جنتى – مصر