بصوا يا بنات عملتكم الفته المصرى
وهى سهله جدا ولذيذة جدا جدا طبعا مش مصرى
اولا الرز الابيض معلقتين سمن لما يسخنوا نحط كوب رز
مغسول ومتصفى ونقلب ولما يشرب السمن شويه
ننزل بكوب شوربه او مايه وملح وقفل دقيقه اول ما يشرب الشوربه وطىىىىى خالص
10 دقايق ان شاء الله ويستوى
ثانيا الصلصه نجيب حله صغنونه
نضع معلقتين سمن وتوم مفروم الكميه اللى تحبيها
اول ما يصفر انزلى بكوب عصير طماطم
والخل طبعا
ولما تتسبك اطفى بتاخد حوالى 15 دقيقه ووطى عليها النار
ثالثا اللحمه بتتسلق عادى ممكن تشوحىاللحم فى بصلتين مفرومين ولما يتغير
لونهم ننزل بمايه زى ما تحبى حسب كمية اللحمه
ولما تستوى اللحمه يبقى عندك شوربه
تحفه
تعالوا بقى على الفته بالصور نعرف طرقتها
وعليها طشة التوم والخل
وهى عبارة عن سمن نصفر فيه توم
مفروم ونطفى النار وعليهم معلقه صغيرة
خل لازم نطفى النار قبل ما نضع الخل
لانها بتعمل تشششش جامدة
ويمكن علشان كدة سموها طشه
ان شاء الله تعجبكم
لاتنسونى من دعائكم
احبكم فى الله
اللهم اغفر للمؤمنين والمؤمنات الاحياء والاموات
مواضيع هذا القسم برعاية
تقوى, تقوى, 289526_68.gif فتكات ست الكل Fatakat 289526 دنيتى – بيتى