السلام عليكم ورحمة الله وبركاتهازيكوا ياحبايبى عاملين ايه يارب تكونوا بخير وسلام انا بقى بحب الفتة اوى فقلت اقولكوا على الطريقة وانتوا تقولولى رأيكم بصراحة وهقولكوا على طريقة سهلة للمبتدئين مش هتتعبكوا ولا تغلبكوا خالص
بصوا اول حاجه نجيب كيلو لحمة ضانى او اى نوع تانى نغسلة كويس ونسلقه ونحط بصلة والتوابل اللى بتحبوها فى سلق اللحمة
بعد كده نجيب حوالى 8 فصوص توم ندقهم ويدوبك نصفره مع ملعقة سمنة بلدى ولما تصفر التومة نحط نصف كيلو طماطم معصورة ونتبلها بالملح والفلفل ونسبها لما تتسبك وبعد كده نذودها بالشوربة يبقى اللحمة والصلصة كده خلاص نجيب حوالى كيلو ارز نغسله ونصفيه كويس ونحطة على معلقتين السمنة البلدى ونشوحهم كويس ونسويه عادى خالص
بعد كه بنحمر شوية توم وحط عليهم خل ونذودها بشوية شوربة صغيرين خالص
وممكن نستخدم عيش محمص او عيش طرى ونحمصه فى الفرن بس انا مكدبش عليكوا بقطع العيش قطع صغيرة وحمرها بسمنة فى الطاسة بس حتة سمنة صغيرة وقلبوا علطول علشان ماتتحرقش بس بيقى روعة
اخيرا نجيب صنية بيركس ونحط العيش ونسقيه بالشوربه ومعلقتين صلصة علية ومعلقتين تومة بخل وبعد كده نفرد الارز من فوق الوش ونحط الصلصة وتوم تانى مع طبق شوربه ساده بقطع اللحم وبالف هنا وشفا
مستنيه ردودكم لان رايكم يهمنى
مواضيع هذا القسم برعاية
ام كيمو وعمر ام كيمو وعمر 102946_2.gif فتكات هايلة Fatakat 102946 القاهرة – مصر
سبحان الله و بحمده