صباح الفل على احلى فتوكات فى الدنيا صحيح دلوقتى العصر بس معلش
عدوها بقى ….وحشتووووونى اوى يا ولاد الآيه خدوا البوسه دى
جيبالكم النهارده طريقه القرشله او الفايش سميها زى ما تسميها المهم ان طعمها خطير خطير خطير
نبتدى الوصفه يا مزز
2كوب دقيق __ 2 معلقه صغيره بيكنج بودر _ زره ملح
ينسون او قرفه " انا كلتها بالقرفه وطلعت انطلاقه " _4 بيضات
فانليا _كوب سكر _كوب زيت
تضربى يا مزه البيض كويس جدااااااا ومعاه الفانليا فى الخلاط بقى او اى حاجه انتى عوزاها وبعدين تنزلى بالسكر براحه يا فتوكه وبعدين الزيت زى كده
نضيف القرفه والملح والبيكنج باودر والدقيق طبعا يا مزه
وفى صينيه مدهونه زيت ومتعفره بدقيق وتكون متوسطه وتصبى الخليط
هنكون طبعا مسخنين الفرن كويس على 180 او 170 وتدخلى الباشا بتاعك فى الفرن ولما هيطلع هيكون كده
قطعيها يا مزه بعد ما تبرد بسكين منشار وهتكون كده
حطيها فى صينيه ودخليها الفرن تقرمش شويه
وبعدين تحطيه فى طبق وتقدميه مع الشاى
انا خلصت يا مزز خلاص انا مش طالبه تقييم ولا رد بس بالله عليكى
ادعيلى بالزوج الصالح احسن انا نفسى الاقى المحروس على شبابه
آآآآآآآآه صحيح يا حبايبى بصراحه بصراحه بصراحه الموضوع ده مش بتاعى
ده بتاع واحده كده ده ميمنعش انى عملته وطلع احلى من الصور كمان ….سلام يا بنوتات مواضيع هذا القسم برعاية
البرنسيسه نهى البرنسيسه نهى 836041_6.gif فتكات متميزة Fatakat 836041 مصر – مصر