بسم الله والصلاة على رسول الله
السلام عليكم يا قمرات
بعد اما فطرنا ويا رب تكون العجة والبطاطس عجبوكوا وشربنا الشاى هه يالا بقى نعمل الغدا
وهو عبارة عن ايه
لحم فليب ومكرونة وشبسى وبدنجان مخلل وطرشى وسلطة طحينة
المكونات
لحمة بوفتيك متبلة بماء البصل وليمون وفلفل حامى وملح وفلفل
لحمه معصجة- بصلة طرنشات- فصين ثوم جبنه رومى اوووووو
معلقة كريمة لبانى
للمكرونة
مكرونة مسلوقة اى نوع بتحبيه انا استخدمت اللانجوينى-4فصوص ثوم مفرى -4طماطم متقشرة ومتقطعه مكعبات
ملح وفلفل وشطه واذا حبيتى ملعقة صغيرة ببريكا(فلفل ارناؤوطى مطحون) ربع حزمة كزبره خضرا
الطريقة
تفردى قطع اللحم وتحشيها بالعصاج وتلفيها كويس وممكن تخيطيها زى الحمام او تقفليها
بالخله
ولما تخلصى كل المقدار الى عندك وتقفليه كويس
انا بصراحه بطهر الابره على النار واغسل الخيط واقفلها زى الحمام وادى شكلهم
وبعد كده تحطى فى الطاسه معلقتين سمن يسخنوا وتنزلى باللحمه
ولما تغلى وتنزل مايتها توضى عليها وتسبيها تستوى
ولو احتاجت شوية مايه حطى لها لحد لما تتأكدى انها استوت وتتحمر معاكى من كل الجوانب
انا مش قادره اقولكم الريحه عاملة اززززاااااى اكيد انتوا متخيلين
وبعد كده تشيليها من السمن وتحطى البصل والثوم مكانها يتشوحوا شويه
وترجعى اللحمه عليهم تانى ولو حبيتى قرن فلفل
وتقلبى شويه وبعدين تحطى الجبنه او الكريمه اللبانى
وتقلبيهم وتطفى النار وتغطى علشان الجبنه تسيح وبس خلاص هى كده جاهزه للتقديم
وهى بتبقى جمييييله جدا فى العزومات جنب الاكل كنوع وشكل جديد
المكرونة بقى سهله اووووى
هتصفرى الثوم فى السمن واوعى يتحمر
حطى بقى الطماطم المكعبات والكزبره والملح والفلفل والشطه والبابريكا
وتقلبيهم وتكونى سالقة المكرونة ممكن تقلبيها معاها وترشى الجبنه على الوجه او تغرفى المكرونة وتحطى الصلصة والجبنه على الوجه
وكده الاكل خلص وانا عملت معاهم سلطة طحينه ومخللات وشبسى
وادى الوجبه كاملة #فيه حد يا جماعة لسه ما اتغداش يتفضل معانا
معلش بقى الشمس كانت داخله من باب المطبخ ومش مبينه الحاجه كويس
وانا طبعا ما اخدتش بالى الى بعد ما خلصت تصوير
ايه محدش مد ايده يعنى
ان شاء الله الى يجربها تعجبه
والحلو بتاع اليوم هيكون تورتة جدييده بالسويسرول فى قسم التورت والجاتوهات
نسألكم الدعاء
والتقييييم للى يحب يا قمرات
فى امان الله
مواضيع هذا القسم برعاية
صاصا فتوكة صاصا فتوكة images/flowersavatars/avatar0012.jpg فتكات هايلة Fatakat 632799 القاهرة – مصر