السلام عليكم يا فتوكات اليوم خطر في بالي أعمل موضوع عن النظافه أثناء الدوره الشهريه. يمكن استوحيت الفكره عن فتوكه نزلت موضوع انه أخواتها بيتريقوا عليها لأنه ملابسها بتطبع اثناء الدوره. و كمان انشاء الله يكون مفيد للكل خاصة للبنات اللي لسه الدوره جديده عليهم. موضوعي هو عن أيه هي احتياطات النظافه عندكم في الفتره دي؟ أنا مش بتكلم في موضوعي عن ايه بتشربي أو بتاكلي, أنا بتكلم عن عاداتك بنظافة الجسم و الملابس خلال هذه الفتره اللي هي من يومين عند البعض لغايه 7 أو 8 أيام أو يمكن أكتر عند البعض الاخر. أولا: الفتره دي ليها ملابسها الخاصه. يعني الملابس الداخليه "الاندروير" لازم قطني و الألوان غامقه و عادة لونها أسود و كلها في درج لوحدها. اللأفضل يكون عندك قطعتين لكل يوم. ثانيا: لازم يكون عندك مشد خصوصي للفتره دي و بينلبس فوق الاندروير. في نوع خفيف للنوم و النوع التاني أتقل يتلبس لما تطلعي بره البيت. الهدف من المشد لمنع تسريب اي حاجه و انت نايمه أو لما تخرجي بره و اللي بيديك ثقه اكتر بالنفس و ما تخفيش توسخي ملابسك و كمان بيشد البطن و بيدفيه و ده بيخفف الالم. و ده مثال عن المشد للنوم : طبعا الصوره لمليكان علشان ما تنحذفش ثالثا: الفوط الصحيه. مش حقول براند معين لأنه في كل بلد في انواع كويسه. لكن لازم يكون عندك 4 أنواع , و عادة كل براند بيكون مرسوم عليه الاحجام: نوع للنوم بيكون حجمه اكبر و قدره امتصاصيه أكتر. نوع للنهار و بيكون برضه قدرته الامتصاصيه عاليه لكن بيختلف عن اللي لليل و هو بيكون للأيام الشديده زي تاني و تالت يوم, نوع وسط لما تخف و نوع خفيف لأول و أخر يوم أو يومين. طبعا كل ما كان النوع له قدره امتصاصيه اكتر بيكون أغلى لكن انت لما تستخدميهم حسب أيام دورتك بتوفري و بتستخدمي النوع المناسب لكل يوم. يعني النوع الليلي لو في الكيس 20 حبه ممكن يكفيك ل 7 دورات لو افترضنا انك بتستخدمي 3 فوط في الشهر من النوع الليلي. يعني في البدايه حتشتري كميه لكن حتفضل معاك فتره لو استخدمتيها صح. **لازم دايما يكون معك فوطه احتياط في شنطتك حتى لو نوع صغير للطوارئء. لو عندك عربيه دايما خلي كيس كامل للطوارئ. لو بتشتغلي و ليك دولاب في الشغل برضوا خلي عندك احتياط. رابعا: الشور لازم يومي مع انه البعض بيقول مضر لكن أنا شخصيا مش مقتنعة بالكلام ده لكن لو انت بتؤمني انه مضر فعلى الاقل امسحي جسمك بالصابون و الميه لأنه النضافه مهمه جدا في الفتره دي. خامسا: تغيير الملابس الداخليه "الاندروير" على الاقل مره في اليوم مع انه يفضل يتغير مرتين مره لليل و مره للنهار. سادسا: ملابس النوم تكون قطن علشان تكون مريحه و دافيه. و كمان اللون غامق حتى لو لا سمح الله صار تهريب متبانش و يكون تنظيفها أسهل و ما تبوزش ملابسك. من الأشياء اللي لازم تكون عندي هي زي فكرة قربة الميه السخنه لكن دي كهربائيه و هي لتخفيف ألم الدوره لما تحطيها على البطن, بجد بتريح. أنا ما بستغنيش عنها خالص يا ريت كل فتوكه عندها أفكار تانيه تقولها علشان كلنا نستفيد. و كمان قيموا الموضوع علشان أكبر عدد يشوفه. shamssun shamssun ممنوعة من المشاركة Fatakat 530496 الغرب – أمريكا
