النهاردة وإذ فجأة طلبت معايا اقوم اعمل مكرونة محمرة بس دورت عندي مالقيتش مكرونة صغيرة فقررت اني هعمل لسان عصفور
بس انا مش بقتنع بيه لوحده كقيمة غذائية ، فقررت اذودله شوية اضافات تخليه وجبة محترمة تنفع نتعشا بيها
كل اللي عملته اني حمرت اللسان عصفور في السمنة عادي جدا وجبت فلفل رومي وطماطماية قطعتهم صغير خالص الاول ضيفت الفلفل مع العصفور يتحمروا سوا ، وطبعا اهم حاجة التقليب كويس كل شوية علشان ما تجنبش وتاخد لون واحدولما خلاص اخدت اللون الدهبي بتاعها حطيتلها الطماطم وشوية صلصة ،
وبعد كده كان عندي شوية شوربة في الفريزر طلعتهم غليتهم قبل ما احمر العصفور ، اخدت الشوربة بتغلي وحطيتها عليه
وعلشان اذود الاكله شوية فايدة كمان جبت شوية شوفان محترمين – وطبعا كلنا عارفين فوايده قد ايه –
وشعرة جنزبيل ووحدتين بالظبط قرنفل وبرضو علشان
أخد فايدته ، وضيفت شوية ملح وشوية كمون وشوية فلفل اسود وانا بحب اضيف مكعب مرقة
وبس يا ستي وطيت بقى على الاكله الجامده دي لحد العصفور ما استوى كويس
ما اقولكيش بقى على الطعم الجامد الحلة كلها اتنسفت وهي مولعه نااااار يا دوب لحقت أصور الطبق ده بالعافيه علشان أوريكم شكله
ها ايه رأيكم بقى ؟؟؟ إتفضلوا معانا بألف هنا
مواضيع هذا القسم برعاية
donyahmed donyahmed 375602_1.gif فتكات هايلة Fatakat 375602 القاهرة – مصر