السلام عليكم ورحمه الله وبركاته
اخواتى الحبيباتى انا حبيت اكتب الموضوع دا يمكن يكون سبب لفرحه قلوبكم
ان شاء الله
انا حبيت اكتب عن تجاربي بالتفصيل وان شاء الله تستافدو من خبرتى
اولا .. علي طريق الحمل بعض الشوائب ومعكرات الصفو ارجو الا نلتفت اليها ولا نقوم بزكرها
انا الحمد لله اول مره حملت فيها كانت في اول شهر زواج
ولا كنت عملت وصفه ولا اي حاجه!!
والحمدلله برضو في نص الشهر التالت شاء العلي القدير الا يكتمل هذا الجنين
رضيت والله وكنت لا اشعر باي الم رغم انى بالغربه
وعمليه وبنج ولسه عروسه مكملتش 3 شهور زواج
ولكن بعد العمليه بدا الخوف والشك والقلق
بعد العمليه بحوال اسبوعين طبعا
لما بدات افوق علي انى ايه دا بجد خلاص مافيش بيبي؟؟
ربنا مايكتب الاحساس دا علي حد ابدا يارب
المهم
بدا كل تفكيرى فالحمل
الحمل وبس منا فالغربه ومعايا فتكات وفاضيه بئي!!!
وكل الناس طبعا بدأو يقولولي عادى معرفش ايه وايدو فايد اخوه
واقنعونى ان البيريود مهاتجيش
ونا مكدبتش خبر صدقت
وجت واتصدمت
رجعو تانى قالو عادى الرحم بينضف
مهاتجيش تانى …
وكالعاده صدقت
وجت واتصدمت
المهم مره ورا مره ورا مره ورا مره…..
ونا خلاص بدات اشك واؤل اكيد في مشكله اكيد في عيب اكيد منى .. لاء . لاء من جوزى
وهبلت كتير مع نفسي طبعا وكان بيشجعنى علي كده يعنى شويه حاجات مش مهم زكرها…
مالهاش علاقه ببيى ولا بزوجى طبعا….
المهم
واحده صاحبتى الله يصلح حالها ويطعمها يارب عاجلا وتنزل مجبوره الخاطر
بدأت تصحينى اصلي الفجر
وامى الله يبارك فيها
قالتلي عليكى بالاستغفار لا يقل عن 1000 مره باليوم
وانى ادى زوجى غذاء ملكات النحل عالريق بالعسل النحل
ونا كمان اخد
ونا لقيت طريقه التبخر بالشاي دى وقلت اما اجرب هاخسر ايه؟؟
وواحده هنا ربنا يكملها علي خير كبت طريقه البيكربوناتو
برضو قلت اجرب يعنى هنجسر ايه؟؟
وعدت الايام وج معاد البيرود
جت البيرود
ههههههههههههههههه
وطبعا زعلت .. اه زعلت بس المرادى بالذات معيطش
المهم بئي اكتشفت انى نسيت شئ مهم اوى
وهوا اليقين فالله
والثقه انى هاكون حامل ان شاء الله
مش علشان
انا هاعمل كل دا
اولا.. صلاة الفجر
ثانيا.. الاستغفار
ثالتا.. سماع سوره البقره وقراة ورد من القران
رابعا .. الصدقه
خامسا.. الدعاء للغير وطلب الدعاء لعل يكون فيهم من يتقبل الله دعاؤه وخاصه الاطفال
سادسا .. التبخر بالشاي وتفادى اخطاء المره الاولي
سابعا.. عمل البيكربونات قبل الجماع بساعاتان
ثامنا ..غذاء الملكات مع عسل النحل عالريق
تاسعا .. شرب القرفه 3 كوب باليوم الي ايام التبويض
عاشرا .. شرب الجنزبيل عالريق من خامس يوم للدوره لعاشر يوم
انا عارفه ان دى صعبه اوى
بس بجد ممكن تحصل
اللي هيا
عدم التفكير فالحمل علي الاقل سلبيا!!
ياجماع الثقه فالله وانو ان شاء الله فرجو قريب
واتخاذ الاسباب
والجماع يوم ورا يوم
ووضع مخده اسفل الضهر
والراحه قبل معاد البيريود بكام يوم
تقولو دعاء حلو اوى الوقت دا
بسم الله الزارع
وكمان دايما تحمدو ربنا بالصيغه دى ربنا يثبت حملها اللي قالت عليها يارب
يارب لك الحمد ان رزقتنى الذريه الصالحه
وطبعا تخلي جوزك يشاركك في كل الطاعات ان شاء الله
والحمد لله ويارب عقبالكو كلكو
ويارب يثبت حملي وحمل كل حامل يارب
نسيت اقول حاجه مهمه اوى انا مره كده تعبت بعد العمليه بشهرين واؤلت اروح للدكتور يمكن يعملي التحاليل
طبعا الدكتور قال لجوزى مراتك بتدلع ومافيهاش حاجه ومش هاعمل تحاليل
ولا هاكتبلك دوا بس انا من يوم العمليه ونا باخد الفوليك اسيد والاسبرين يوميا
واؤلتلو طيب ادينى نصيحه تعجل بالحمل
قالي اولا
تبعدى عن سكه الدكاتره نهااااااااااائي
وتخلي عندك حسن ظن بالله وان كل شئ بميعاد
وقبل الجماع مدخلش الحمام
انا والله حبيت افيد اكبر قدر ممكن من البنات
واللي عندها اي سؤال انا تحت امركو ن شاء الله
بس بالله عليكم
اسالكم الدعاء
ان ربنا يثبت حملي يارب لان غصب عنى بفكر فلمره اللي فاتت
ربنا يجازيكو خير يارب
ويرزقنا كلنا اطفال اصحاء معافين وبارين وبلا زياده ولا نقصان
سمسمه المغتربه سمسمه المغتربه 221607_11.gif فتكات ست الكل Fatakat 221607 الشارقه – مصر والامارات حاليا