تخطى إلى المحتوى

الصيادية من ايديا و حاسبوا علي صوابعكم 2024.

  • بواسطة

ا[b][size="5"][color="Indigo"]لمقادير
سمكة كبيرة مش اقل من 1.25 كجم اما نوعها فاما بياض او قراميط و بصراحة انا بافضل القراميط بس بشرط تخلي البياع يسلخ جلدها
بصلتين كبار مقطعين طرنشات
حوالي كيلو طماطم مقطعة مكعبات صغيرة
فلفل احمر (رومي و حامي ) ثوم مش كتير – ليمون كتييير – خل
ملح و كمون و بهارات
الطريقة
طبعا بنخلي البياع يسلخ السمكة و ينظفها و يقطعها طرنشات و احنا بنغسلها و بننقعها في ملح و دقيق و مية قد ساعة كده
بعد كده بنشيلها و نغسلها تاني كويس و نصفيها علي مصفاة
لحد ما تتصفي هنعمل التتبيلة بناخد الفلفل (الرومي و الحامي) نغسلهم و نشيل البذور و نحطهم في الخلاط و معاهم الثوم و شوية خل و نطحنهم كويس جدا بعد كده نفضيهم في حاجة واسعة و نشيل منهم اربع ملاعق كبيرة في طبق علي جنب و الباقي نعصر عليهم قد اربع ليمونات كبار و نضيف لهم الكمون و الملح و ننقع فيهم السمك اربع ساعات او اكتر

بعد كده هنعمل الخلطة هنجيب الصينية اللي هنعمل فيها السمك و نحط فيها شوية زيت مش كتير و نحط البصل و نقلبه لحد ما يدبل لو بتحبي الحاجة حامية قطعي فلفلة حامية و شوحيها شوية مع البصل بعد كده هنضيف جزء التتبيلة اللي شيلناه فاكرين و نسيبه يتشوح مع البصل و كمان نعصر عليهم ليمونة كبيرة و شمي الريحة كده اممممممممممم


دلوقتي بقا هنضيف الطماطم و نسيبها تتسبك و هنحط لها كمون و ملح و شوية بهارات صغيرين جدا

خلاص اتسبكت هنشيل نصفها في طبق و نسيب الباقي في الصينية

دلوقتي بقا نروح للسمك و نبدره بالدقيق و نحمره بس علي نار عالية عشان يكون محمر لكن مش مستوي


دلوقتي هنرص السمك في الصينية و نحط باقي الخلطة علي الوش و بينا علي الفرن و يكون عالي

و ده بعد ما خرجت من الفرن و بالهنا و الشفا و افتكروني بالدعاء و التقييم
مواضيع هذا القسم برعاية

molo_s2016 molo_s2016 277585_1.gif فتكات رائعة Fatakat 277585 القاهرة – مصر

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.