السلام عليكم يافتوكات
انا جيت افضفض بدل ماحط فى نفسى وانفجر من اللى انا فيه
انا خلصت الشهر التاسع من الحمل من 10 ايام ولسه الرحم مقفول حتى الطلق اللى كان بيجى ويروح بطل مع نهايه التاسع
البيبى سليمه الحمدلله والضغط كويس ومافيش سكر بس وزنى وصل 105 كيلو ولا عارفه انام ولا اقوم ولسه ميعادى مع الدكتورة يوم الاتنين علشان تشوف حنعمل طلق صناعى ولا قيصرى
انا كنت 70 كيلو قبل الحمل وده اول حمل ليا وحملت بعد الجواز بشهر ودلوقتى جوزى متخيل ان الطبيعى بتاعى ابقى تعبانه ومنفوخه كده وده مدمرنى نفسيا والله
ولا خليت عسل ولا قرفه ولا خروع الا وشربته وبمشى كل يوم اكتر من ساعه من نص التامن يعنى والله ماقصرت ولا كسلت
بس هو امر ربنا لسه ماجاش
والله من اول حملى وانا بدعى ربنا يرزق كل مشتاقه لكن دلوقتى بقول يارب ماحد يشوف اللى انا فيه
طبعا احباط ولا عارفه ايه اللى حيجرالى انا وبنتى و جوزى كل يوم يتغدى عند حد شكل مره عند ماما ومره عند اخته ومره عند حماتى يعنى منتهى التشرد لانى سايبه بيتى من يجى شهر بسبب عرق النسا
تقل وتعب و سواد الجلد و تشرد وقله راحه واكتئاب … ربنا ماكتبش لحد يشوف اللى انا شايفاه ده
ادعولى يابنات ربنا يفك ضيقتى ولو حد عنده نصحيه يقولى يكسب فيا ثواب
bannota soker bannota soker 55364_1.gif فتكات نشيطة Fatakat 55364 دريم لاند – مصر