السلام عليكن و رحمة الله و بركاته
وصفة اليوم حصرية و مبتكرة
ماما الله يحفظها و يخليلي ياها ويحفظ امهات المسلمين جميعا قولوا امين …. بما اني مابحب الحليب و مشتقاته و البيض و توابعه
ابتكرتلي هالفطيرة مشان افطر منها وهيه الحقيقة راااااااااااائعة كوجبة مغذية جداااااااا
واليوم جربت اعملها
وهي اول مرة
ندخل عالمكونات
2 بيضة + بياض بيضة
كيلو دقيق
ظرف بيكنغ باودر
حوالي 6 م ك حليب بودرة
اكتر شوي من نصف قالب زبدة طرية وزن القالب كامل 200غ
ظرف بيكنغ باودر
م ك سكر
ملعقة كبيرة خميرة
ملح حسب نوع الجبنة المستعملة و انا استعملت جبنة بيضا و حطيت م ص ممسوحة ملح و الي بحب الملح ظاهر يزود
حوالي 200 غ جبنة بيضا
وممكن جبنة البيتزا بس انتبهي لتعديل الملح
ماء دافئ للعجن
لدهن الوجه
صفار بيضة + شوية حليب + شوية نسكافيه + حبة البركة
الطريقة
منحط السكر و الخميرة و شوية ماء دافئ و منتركها حتى تطلع الخميرة
منحط باقي المواد في وعاء ماعدا الماء
ومنفرك المواد
الجبنة منفتتها عن بعضها قبل مانفركها مع المواد متل الصورة
منضيف الخميرة ومنقلب كويس
ومنضيف الماء الدافئ شوي شوي و منعجن لحد ماتلم معنا العجينة بصراحة انا بتركها عم تلزق شوي لان بدي ضيف طحين لما بدي شكلها
ومنتركها ترتاح ما اقل من نص ساعة
منجي للتشكيل
منجيب 3 كور صغيرة و منفردها اصابع طويلة و الصورة بتوضح
ومنبلش نضفر و مننتبه انو نرخي ايدنا مشان العجينة تاخد راحتها بالشواء
كمية العجين عملت معي اربع ضفيرات
بعد ما شكلنا الضفيرات منخلط مواد الدهن مع بعض ماعدا حبة البركة وبعد ماترتاح العجينة مندهن الوجه متل الصورة
وهي بعد ما طلعوا من الفرن و الريحة الخيالية
وهون نقيت اكبر وحدة و نزلتها لسلفتي الي بحبها متل اختي ادعوا لاولادها بالتوفيق عندها ثانوية عامة و جامعة
هيك انا خلصت و بانتظار مشاركاتكن بس امانة عليكن لا تطلعوا بلا دعوة حلوة بظهر الغيب لوالدي واخوتي و لي بتيسيير الحال حتى لو
ماكتبتيها
بكفي انو المواضيع ماعم تظهر في المواضيع الجديدة و بالتالي لا مشاهدات و لا مشاركات
في حفظ الله و رعايته
مواضيع هذا القسم برعاية
سارة84 سارة84 212248_1.gif فتكات ست الكل Fatakat 212248 اللاذقية – سوريا ياحبيبتي