بسم الله الرحمن الرحيم
ازيكم يا قمرات
بصوا بقى منغير رغى كتير الشتاء داخل اهو ودة موسم الاكل بالنسبة لناس كتير 
احنا بقى هنكسر القاعدة دى هنفاجئ الكل
وكل الجروبات بيبقى للى وزنهم عالى اوى فمش بعرف اشترك فيها
الجروب دة اللى وزنهم زايد حاجة بسيطة (مش اكتر من 15 كيلو ) عشان كلنا نشجع بعض وتلبس اللبس الشتوى منغير ما نبقى شكلنا عامل زى شوال البطاطس
اولا كدة احنا الحمد لله وزننا مش كبير اوى يعنى احسن من ناس كتير هنحب نفسنا زى ما احنا وفى نفس الوقت هنقلل وزننا عشان يبقى شكلنا سيمباتيك
كل واحدة تدخل تقول وزنها الحالى والوزن الى عايزة توصله واهم حاجة تقولنا نبذة بسيطة عن اسلوبها فى الاكل عشان نقدر مع بعض نوصل لاسلوب صحى فى الاكل
عايزين ناكل الى نفسنا فيه منغيييييييييييير طفاااااااااااااسة
عشان نقدر نخس منغير حرمان
ونحاول نعمل رياضة عشان يبقى جسمنا مشدود منبقاش رفيعين وعندنا سيليوليت او ترهلات
واهم حاجة نحدد مواعيد اكلنا اما وجبة كل خمس ساعات
او نصف وجبة كل ثلاث ساعات
وننسى خااااااااااااااااالص اللف حولين المطبخ فى غير مواعيد الاكل
وننسى الغارات الليلية الى بنعملها على التلاجة
وكل يوم او يومين ندخل نكتب تقرير عن اكلنا
وبعد اسبوع نتوزن ونشوف خسينا قد اية
بس يا ريت ناخد الموضوع جد ونشجع بعض والا انا هخس لوحدى واسيبكم متغاظين منى
هبدا بنفسى
وزنى 57 وعايزة اوصل لوزن 48 وعلى فكرة انا مش طويلة فشكلى زى شوال المكرونة (الحمد لله )
فى نفس الوقت دة مش هيبقى مجرد رجيم دة عايزينه يبقى اسلوب حياة
انا على فكرة مشكلتى انى مفجووووووووووووووووووووووووووووووووووووووووووعة
اه مفجوعة محدش يتريق
باكل زى الحمار فى النجيلة لا الحمار بيشبع ولا النجيلة بتخلص
كنت زمان بلعب سباحة وجرى كنت ممكن اجرى 5 كيلو متواصل منغير ما اتعب
وممكن اطلع السلم 10 ادوار عاااااااادى
وكنت بلعب جيم وممكن اعمل تمرين بطن 100 مرة متواصل
والله العظيم منغير مبالغة كنت بنط الحبل الف مرة ورة بعض كل يوم او يومين
دلوقتى لو رقصت نص ساعة عضلاتى بتشد ولو عملت تمارين بطن 20 مرة يبقى انجاااااااااااااز
ويا سلام بقى لو فكرى اجرى هم 5 دقايق واحس انى نفسى هيتقطع
خلاااااااااااااااااااااااص انا قررت اغير الواقع واعمل نظام اكل ورياضة صحى وارجع زى زمان
وقررت ابطل الفجعة دى لان الاكل عندى للاسف ادمان
نفسى يبقى اكلى صحى
يلا بقى الى بعدى تدخل
وعايزين بقى اصحاب الاوزان الكبيرة يشوفوا الانجاز بتاعنا يمكن يتلحلحوا هم كمان ويخسوا عشان نبقى كلنا سيمباتيك
**صاحبة المدونة** **صاحبة المدونة** فتكات رائعة Fatakat 632285 القاهرة – مصر