السلام عليكم
ازيكم ياقمرات يارب تكونوا بخير
موضوعي ده حابة افيد بيه بنات كتير ان شاء الله
هو مش حاجة جديدة بس حاجة محدش بيهتم بيها
في بنات كتير عايزة تخس او تحافظ ع وزنها عشان ماتتخنش
والحل في حاجة بسيطة ألا وهو " الشاي الأخضر "
بجد يابنات تحفة تحفة تحفة
اولا انا موسوسة تخن يعني مبحبش اتخن وحابة اخس كمان
وبقيت بشرب الشاي الاخضر " بعد الأكل بساعة ع الأقل "
وده كان عشان ليه فوايد للبشرة والفم وكمان بيساعد علي تعلية الحرق لكن مش بيخسس هو بيساعد فقط
من غير مادخل في تفاصيل كتير عايزة اقولكم ان في شهر هتنزلي في وزنك اكيد وهيساعدك تثبتي ع وزنك بحيث ماتتخنيش
وفي الاول وفي الاخر ده بيتوقف ع أكلك يعني متاكليش طول النهار شوكولاتة واكلات دسمة وسكريات والذي منه وتشربي شاي اخضر كده ولا شجرة شاي هتأثر
كلي باعتدال ومتحرميش نفسك من حاجة بس كلـه بالعقل
بس كده وعلي فكرة البنات اللي بالها طويل هما اللي هيستفيدوا من الموضوع ده وكل واحدة وع حسب استجابة جسمها بقي
ع فكرة نوع الشاي هو لبيتون كلير جرين وفي منه بالتفاح والليمون والنعناع و سادة براحتك بقي ملكيش حجة اهو
بتمني تداموا ع الشاي الاخضر لأنه له فوايد اكتر من انه يساعدك تخسي
وياريت ماتزيديش عن 3 اكواب في اليوم انا عن نفسي بشرب كل يوم كوباية واحدة بس الاعتدال مطلوب
لو عجبك موضوعي امانة عليكي تدعيلي دعوة حلوة
ماتنسوش التقييم ياحلوين
MOoOony MOoOony 1075995_1.gif فتكات رائعة Fatakat 1075995 Cairo – Egypt
سبحان الله و بحمده