السلام عليكم
كل سنه وانتم طيبين الشاورمه دي يابنات والله تحفه واحسن من بتاعت بره واللي يجربها وتعجبه يدعيلي
1- 1ك لحمه من عرق البوفتيك بس تشيلي منها الجلد والدهن لو فيها وتقطعيها شرائح
2- 3بصلات وسط متقطعين شرائح يعني تقسمي البصلايه نصفين وتقطعيها شرائح
3- 200 جرام من ليه الخروف متقطعه قطع صغيره
4- 34 كوبايه مج (اللي هي 200 ملي) خل ابيض + 1ك ماء
5- ملح وفلفل اسود وقرفه
الطريقه : تخلطي كل المقادير السابقه كويس وتسبيهم في الثلاجه 12 ساعه وبعدين تسويها علي النار من فوق يا اما في الفرن وفي نصف السوا ناخذ منها شويه ميه من اللي نزلت منها ونكمل سواها لحد ما تشرب ميتها وتتحمر وبعدين نحطها علي البوتجاز من فوق ونحط عليها طماطم مقطعه قطع صغيره ونشوحها معاها شويه وبعدين نحط عليها ميتها اللي احنا كنا شيلنها في نصف السوا عشان تطريها (اوعي تخليها شوربه )وبعدين هنحط شويه بقدونس مقطعين ونقلبها ونطفي علي طول وبعدين تحطيها في كيزر او تلفيها في عيش لبناني وبالهنا والشفا مواضيع هذا القسم برعاية
ام فداء الدين ام فداء الدين فتكات هايلة Fatakat 567462 القاهره – مصر
سبحان الله و بحمده