بصوا يا بنات انا الحمد لله ربنا كرمني بالحمل بعد سنه ونص جواز وده كان بالدعاء الحمد لله ربنا استجابلى ورزقني بالحمل
انا عملت سونار ف الاسبوع السادس و6 ايام بس الدكتورة قبلها كانت قالتلى تعالى مزنوقه ميه والصراحه نسيت
بس انا كمان دعيت ربنا انه يرزقني بتؤام انا عندي ايمان قوي جدا جدا بأن ربنا بيستجيبلنا ولكن اما الدكتوره عملتلى السونار طبعا غلبت على ما وصلت للكيس عشان مكنتش مزنوقه ميه وبتبص لقيت كيس واحد ونبض واحد الحمد لله ع كل شئ
لكن سؤالى بقا هل ممكن لما اروح المره الجايه ان شاء الله يظهر الكيس التاني يعني ممكن اكون ف تؤام بس كيس واحد ظهر انا اصلا حاسه احساس غريب انهم تؤام طبعا اللى ربنا هيديهوني نعمه ورضا والحمد لله بس طمعانه ف كرم ربنا
وكمان انا ف نص التاني كدا تقريبا وبطني كبيره يعني باينه اني حامل الناس بتقفلى ف المترو
امي مستغربه اوي من حجم بطني ونسيت اسأل الدكتورة المره اللى فاتت وانا رفيعه للعلم يعني مش تخينه هنقول كرش وطول عمري الحمد لله بطني وضهرى لازقين ف بعض معنديش كرش ولا حتي بطن نهائي
منار شكري منار شكري 853517_3.gif فتكات رائعة Fatakat 853517 حلمية الزيتون – cairo
سبحان الله و بحمده