السمنه الموضعيه ؟؟
كلنا بنعمل ريجيم لكن بيتبقي جزء في جسمنا مش راضيين عنه تماما
او سيده جسمها كويس ومش محتاجه ريجيم لكن مثلا عندها بطن او ارداف او هنش او جناب
ده اسمه ببساطه سمنه موضعيه
ودي محتاجه اما ريجيم لو كان وزنها كلها زائد ببعض الحسابات مقارنه بطولها الي جانب رياضه الي جانب اجهزه السمنه الموضعيه
او وزنها مائل للزياده ودي محتاجه نظام تثبيت الي جانب رياضه و الي جانب الاجهزه الخاصه بالسمنه
او وزنها ممتاز لكن مثلا عندها بطن ودي محتاجه تقويه عضلات للبطن صواء بالرياضه او الاجهزه الخاصه بالسمنه الموضعيه
تعالو بقي احكيلكم عن الاجهزه ونبدا بكل جهاز بمنتهي البساطه
وهكتبلكم سعر الجلسات ودي موجوده في قسم السمنه في مستشفي الجلاء التعليمي اللي في رمسيس وهي مدعمه بالنسبه للمراكز بالخارج وكل القائمين بها اطباء والاجهزه الماني وامريكي وسويسري
اولا جهاز الليزر البارد وده فيه مميزات ممتازه انه بيقتل الخلايا تماما وبالتالي لايمكن ان تتجمع خلايا دهنيه في الاماكن اللتي تم التعامل معها
وبيشد الترهلات ويفتت الدهون ولكن يحتاج منطقه محدده الجلسه ب100 جنيه شامله المشي علي مشايه 10 دقايق
ثانيا جهاز الراديو فريكوانسي وهو من افضل الاجهزه في شد الترهلات بالاخص ويقوم بتصريف الدهون ايضا والجلسه ب50 جنيه
ثالثا جهاز الكافيتاشين وهو من افضل الاجهزه لتفتيت الدهون وخاصه في السمنه العامه في بطن مثلا كبيره وطبعا ده بتحدد بالقياسات الجلسه ب50 جنيه
رابعا جهاز تفتيت الدهون بالترددات الكهربيه وفيه منطقه واحده ومنطقتين ومن افضل الاجهزه في الدهون الداخليه
منطقه واحده 50 جنيه اربع جلسات
ومنطقتين 70 جنيه اربع جلسات
خامسا جهاز الموجات الصوتيه لتفتيت الدهون وهو مناسب للدهون السطحيه و4 جلسات ب100 جنيه
سادسا اجهزه شد الترهلات منطقه واحده ومنطقتين
اجهزه التيارات المقويه للعضلات بتيار الفاردك
واخيرا بدله تصريف الدهون والسموم من الجسم بطريقه الضغط والافلات وده من اجمل الاجهزه في نهايه الجلسات لتصريف الدهون
يوجد ايضا الابر الصينيه ولها دور فعال فيمن لديهم شهيه مفتوحه
وبعض الاجهزه الاخري
وفي انتظار اي اسئله لكم
طبيبه مصريه مسلمه طبيبه مصريه مسلمه فتكات حبوبة Fatakat 1038922 القاهره – مصر