ازيكم يابنات عاملين ايه بقالي كتتتتير عاوزة اكتبلكم بس مكسله ههههههه اة والله اصل معايا قرد وقرده مطلعين عيني
المهم انا عندي ولد سنتين ونص وبنوته 10 شهور وجتهم ورا بعض من بعد ماولدت بنتي وزني زاد جدا وصل لل93 وانا اوزعه يعي كدا مش نافع خالص
انا عايشه ف السعوديه وطبعا مافيش مشي علي رجلي كلو بالعربيه وكنت كمان باخد حبوب منع الحمل دي كانت عامل برضو ف زياده وزني ا
المهم قلت لا لازم اخس وفعلا مع نفسي كدا بقيت اعمل دايت وامنع العشا وكل فين وففين الاقيني بنزل ببطئ جدا وجبت اوبتراك وبقيت استخدمو وصلت ل84 وفجااه الاوبتراك باظ وجه رمضان ورجعت اكل واتسحر وطعا تخنت تاني ونزلت اجازتي ف مصر نزلت ووزني كان 90 وكان منظري وحش جدااااااا جوزي كان معايا قعد شهر قلتلو لازم اروح لدكتور قالي لا اول ماسافر هو جريت علي الدكتور وفعلا الحمد لله نزلت مع الدكتور ف شهر 11 كيلو وزني نزل ل79 ودلوقتي رجعت سافرت تاني قبل العيد وكنت سايبه الدايت ف العيد تخنت تاني لل80 ههههههه بس بقالي اسبوعين ودة تالت اسبوع عامله دايت وللاسف لسه موزنتش بس باين جدا ف لبسي الحمد لله المهم انا هنزلكم النظام لان هو كاتبلي نظام امشي عليه هنا كمان الي هو انا بستخدمو دلوقتي انا هنزلكم بقي النظام الاولاني هنزلكم اسبوع اسبوع ال عاوزة تمشي معايا تدخل يالا ونشجع بعض وكل اسبوع هنزلكم الرجيم الجديد والمفروض ااننا بنوزن كل اسبوع ونعرف نزلنا اد ايه
اة الاول ف خلطه اعشاب الدكتور كاتبهالي بتتشرب 3 مرات ف اليوم مرة بعد الفطار بنص ساعه ومرة بعد الغدا بنص ساعه ومرة بعد العشا بنص ساعه
الخلطه
شاي اخضر +كمون+نعناع+جنزبيل+قرفه+قرنفل+مرمريه دول بتاخدي معلقه منهم كلهم وتحطيهم ف ميه وتغليهم انا كنت بحط بدل الشاي الاخضر شاي رويال
نجي بقي لنظام اول اسبوع
علي الريق معلقه عسل نحل +نص لمونه+نص كوب ماء د ثابته كل يوووووووووووووووووووم علي الريق ولازم جدا لانها بتساعد عالحرق بالنسبه للناس الي بتصحي متاخر اصحي بدري افطري واقعدي نص ساعه وبعدها نامي
الفطار كوب شاي بالبن +2 بقسماط
الغداء طبق سلطه كبير +2 كوب ماء+نصف رغيف +الخضار +البروتين
العشاء 2 فاكهه نوع واحد
العيش طبعا بلدي او سن ممنوع المخلالات والشطه واللب والمكسرات والشيكولاته وجميع الحلويات بكل انواعها الفاكهه الممنوعه المانجو والتين والبلح والعنب الموز مش ممنوع ليكي ف اليوم لحد 6 صوابع
وطبعا الببسي ممنوع دايت او غيرو ممنوع
هتبدااي الرجيم السبت يبقي الفري باعك هيكون الجمعه وهتوزني الجمعه الصبح يعني علي حسب مهتبدااي الرجيم 6 ايام والسابع فري واهم حاجه لو هتوزني توزني وانتي لسه مش واكله حاجه يعني اول متصحي واي سوال انا ف الخدمه يابنات
مارميم مارميم 111547_13.gif سوبر فتكات Fatakat 111547 الحمد لله رجعت لحضن جوزى حبيبي – ف بلد معرفش اى حد فيها غير جوزى وبس