انا متزوجه من تسعة اشهر ولم احمل حتى الان
وزهبت للدكتور وعملت التحاليل المطلوبه انا وزوجى وطلعت سليمه الحمد لله
وعملت اشعه على الرحم والمبايض والحمد لله طلعت كويسه ومفيهاش اى حاجه حتى اللى عملى الاشعه قالى انتى معندكيش اى حاجه تمنع الحمل
وروحت بعدها للدكتور وقالى اروحله اليوم العاشر للبيريود علشان يشوف افرازات عنق الرحم والحمد لله قالى كويسه وطلب منى اعمل اشعه اليوم ال 14 للدوره بس طلعت البويضات فيها صغيره فعملت تحليل اليوم الثانى للدوره فطلع هرمون الغده الدرقيه عالى شويه فكتبلى على علاج لمدة شهر وكان المفروض انى اعيد التحليل تانى بس جاتلى نزله معويه ومعملتهوش
وروحت لدكتور تانى كان اليوم ال 11 للدوره وقالى عندك بويضه حجمها كويس كانت 12 مم وكان المفروض اعملها اليوم ال 13 بس معرفتش
وعلى فكره الدكتور قالى انتى هرمون الغده مش عالى اوى وممكن الاشعه اللى عملتيها اليوم ال 14 ظهر فيها ان البويضات حجمها صغير علشان البويضه الكبيره انفجرت خلاص
وخلال فترة الدوره وبعدها بكام يوم كنت بشرب بردقوش وبقرأ سورة يس حوالى 7 ايام
وعملت الرقيه اللى هى بقرأ فيها الفاتحه 3 مرات والبقره كامله بدون انقطاع والاخلاص والفلق والناس 3 مرات بس عملت كده 5 ايام نظرا لظروف شغلى
بس دلوقتى انا من اليوم ال 13 تقريبا اشعر بوجع جامد فى صدرى ودوخه خفيفه واوقات انام كتير واحس بغممان نفس بس من غير ما اكون عاوزه ارجع والنهارده اليوم ال 17 للبيريود ولسه عندى افرازات
انا مكنتش متعوده يجينى وجع فى صدرى الا قبل موعد الدوره الشهريه بحوالى 5 ايام مثلا لكن الان اشعر انه منفوخ وكبر ووجع فيه فمش عارفه دى علامات حمل ولا ايه
وعملت النهارده (اليوم 17) اختبار الحمل المنزلى بس ظهر ان مفيش حمل فمش عارفه علشان هو مش بيظهر فيه النتيجه بدرى كده ولا مفيش حمل فعلا
انا اسفه جدا على التطويل
بس افيدونى ما اشعر به هو ايه؟
شوشو كوكى شوشو كوكى 337501_30.gif فتكات متميزة Fatakat 337501 القاهرة – مصر
سبحان الله و بحمده