صباح الخير يا فتوكات
امبارح كنت بطبخ بمزاج ومش مستعجلة فقولت أصور بقى و أنزل موضوع
ياارب يعجبكم
يلا نبدأ
بسم الله الرحمن الرحيم
{معلقة كبيرة بهارات باربكيو , فلفل أسمر و ملح , معلقتين خل , معلقة زيت زيتون , معلقتين مسطرة , معلقتين صويا صوص , ثوم مفروم , طماطم مبشورة , ليمونتين }
قبل ما نحط شرايح الستيك في التتبيلة
هنعمل خطوة مهمة أووي علشان تساعد على تسوية اللحمة أسرع و تكون طرية من جوة مش ناشفة
هنضرب اللحمة كدة جامد زي الصورة
نحط بقى اللحمة في التتبيلة
نسيبها مدة لا تقل عن 3 ساعات و ياااريت لو تسيبيها لتاني يوم
~~~~~~~~~~~
نحضر بقى الشواية
أنا بستخدم شواية البوتاجاز
بطنتها بفويل لسهولة التنضيف وقت غسيلها
و حطيت في الصينية باقي التتبيلة و خففتها بشوية مية
و رصيت اللحمة
كل شوية بقى هنحتاج نبص على الشواية و لو المية قربت تنشف نزودها
لغاية لما اللحمة تستوي نسيب المية تنشف بقى علشان تدينا طعم الشوي الحلو
و نطفي عليها و نحط فحماية على النار
و ياريت حتة صغيرة علشان تولع كويس جدااا من كل الجهات
و بعدين نحطها في حتة فويل و على صينية الشواية
و نحط عليها شوية زيت علشان تدخن و نقفل غطا الشواية
لو مش عندك الشواية دي
ممكن تستخدمي الفرن عادي
و في الآخر تعمليلها الفحماية برده
~~~~~~~~~
و دة الشكل النهائي للستيك بعد الشوي
~~~~~~~~~
ودة طبقي بقى
و طبق المخلل الجميل " خيار و ليمون " دة من إيدين حماتي
ياارب الوصفة تكون عجبتكم و منتظرة أراءكم
مواضيع هذا القسم برعاية
حور مقصورات حور مقصورات 267789_94.gif فتكات غالية قوي Fatakat 267789 ~حيثما ذكر اسم الله في وطن عددت أرجاءه من لب أوطاني~ – مصـــر _ الجيـــزة