حصريا من مطيخ ريمونتى وعلى مدونة فتكات
الرز بالبشاميل
الوصفة دى اخدتها من حماتى
و عدلت فيها شوية
هى بتعملها من غير صوص الطماطم اللى فى الحشوة انا بعملها بدون الصوص او بالصوص و النهاردة عاملهالكم بالصوص
كمان انا بحط فلفل رومى و حماتى مش بتحطه
الوصفة ممتاااااازة لإعادة تدوير الرز المعجن او البايت
وطبعا تتعمل برز مفلل و ظبوط برضه
انا كمان بحط رشة جبنة تركى على الوش و حماتى مش بتحط لكن هى كمان لما قلتلها عليها بدأت تحط رشة الجبنة على الوش
(تبادل خبرات ههههه)
المكونات
رز مطبوخ
معلقة زيت
فلفلة رومى مقطعة شرائح
1/8 كجم لحم مفروم
بصلة صغيرة مفرومة
1/3 كوب بسلة
3/4 كوب عصير طماطم
معلقة صلصة الطماطم
ملح
فلفل
بهارات
صوص بشاميل
معلقتين جبنة رومى (تركى) مبشورة
طريقة الحشوة
حطى معلقة الزيت فى حلة
اضيفى لها البصلة المفرومة و قلبى
اضيفى اللحم المفروم (ممكن يكون عندك بواقى عصاج حطيها عادى)
اضيفى الملح و الفلفل و البهارات (قرفة-خلنجان مطحون …الخ)
حطى الفلفلة الرومى و البسلة
ومعاهم عصير الطماطم
او لما يغلوا
وطى النار و سيبيهم شوية لغاية ما البسلة تستوى
الطريقة
افردى نصف الرز فى الصينية و اكبسيه كويس
و صبى عليه الحشوة بالصوص بتاعها
افردى باقى الرز
حطى طبقة صوص البشاميل
حطى معلقتين الجبنة الرومى المبشورة و دخلى النار لمدة 10 – 15 دقيقة او لغاية ما الوجه يتحمر
بالهنا و أحسنلكم تقيموا الموضوع
مواضيع هذا القسم برعاية
ريمونتى ريمونتى 48957_1.gif فتكات غالية قوي Fatakat 48957 الأسكندرية – مصر