ازيكم ياشوكلاتات
الوصفه دي جوزي اللي قالي عليه وانا برعت فيها يمكن لانه بيحبها وهاقولكم عليها
المقادير
2كوب رز او زي ماتحبي اوحسب الصينيه والكميه اللي هاتعمليها(بس انا هاقول الكميات حسب ال2كوب)
التر لبن
بهارات وملح
فرخه
3بصلات كبار مفرومين
سمن زيت
الطريقه:
1-اسلقي الفرخه بس ماتخليهاش تستوي اوي عشان لسه هاتتحط على النار تاني يعني يادوب تستوي
ممكن ماتسلقيهاش بس السلق اضمن
2-هاتي البصل وتبليه كويس مع شوية ملح صغيرين
3-هاتي الصينيه المناسبه وادهنيها زيت
4-الرز تصفي وتقلبي في معلقة ملح او زي ماتحبي وشوية بهارات قليله جدا
وممكن تعملي كده قبل ماتجهزي الصينيه بساعه او اقل
5-حطي الرز في الصينيه ووزعيه كويس
6-هاتي الفرخه قطعيها وحطيها فوق الرز بس تحت كل ربع فرخه حطي شوية بصل من اللي تبلتيه تحتها شويه كتيير
7-ممكن تقللي البصل بس بفضلها ببصل كتييير
8-حطي ححتتين سمنه على الوش وماتكتريش يعني معلقتين ولو بلدي احسن
9-ممكن تحطي كمان قشطه علو الوش بس لسه ماجربتهاش
10-اضيفي اللبن بشويش وسيبي منه شويه صغيره هايغطي الصينيه
11-دخليها الفرن ووليعيه من تحت الاول لحد اما تنشف او تبقى متماسكه بس اوعي تنشف اوي
12- حمريها من فوق
13-شوية اللبن اللي سيبتيهم ممكن تضيفهم لو حسيتي انها نشفت اوي
جربوا واقلولي
وادعولي
يارب ارزقني الخلف الصالح مواضيع هذا القسم برعاية
image_83 image_83 161366_2.gif فتكات متميزة Fatakat 161366 مدينة لا يسكنها غيري بقلب زوجي – بيتنا