مساء الخير ع احلى فتوكات
انا عروسه جديدة بقالى 3 شهور قبل ما اتجوز البيريود ماكنتش منتظمه خالص وكانت بتغيب بالسنه بعد الجواز اخدت حقن ونزلت وتانى شهر اخدت كلوميد وحقنه تفجيريه ونزلت برضو ومحصلش حمل الشهر ده برضو انا واخدة كلوميد والحقنه التفجيريه ولسه ياقى ع ميعادها يومين
بس انا بقالى اسبوع عندى الم فظيع ف ضهرى وبطنى من اسفل وجنابى فيهم مغص فظيع اوى مستمر طول الاسبوع وع طول عندى دوخه وحاسه ان جسمى كله بيوجعنى كل عظمى واجعنى حتى رجلى وعندى شويه حرقان ف البول وافرازات ساعات شفافه وسايله زى المياه وساعات بحس اكن فيها نشا وساعات مطاطة بس الاكتر سايله خالص وكمان بصحى من النوم عندى مغص جامد ف معدتى من الجوع اكنى مكلتش بقالى قرن مع انى ببقى واكله قبل ما انام بكام ساعه وكمان بحس ان فتحة المهبل ضيقه اثناء العلاقه الزوجيه عن العادى وكل الاعراض دى جديده مكنتش موجوده الشهر اللى فات مع انى واخده نفس العلاج يا ترى ده حمل ولا من اعراض العلاج سامحونى لو فى كلام مش مفهوم او ميصحش يتكتب لانى عروسه جديده وماليش خبرة خالص ياريت تفهمونى اللى بيحصل ده من ايه حمل ولا لأ مع العلم ان درجة حرارتى مش بتعلى عن 37 وساعات كتير 36
كريزى كريزى يعنى كريزى كريزى يعنى فتكات نشيطة Fatakat 654661 بيت بابا – مصر
سبحان الله و بحمده