جايبالكم طريقتها سهله وبسيطه خالص وجربى عمايل اديكى على مهلك خالص
بصى يا ستى هنشترى اللبن عادى بالكميه الى هاتغليها عادى خالص
وبعدين هافضيه فى اللبانه بتاعته وبعدين تسبيه فى التلاجه يومين ده طبعا الكلام ده فى الشتا بس اوعى فى الصيف تعملى كده هدعى عليا مش هاتدعيلى
وبعدين ياستى هتطلعيه من التلاجه هتلاقى عليه طبقه تقيله شويه على حسب اللبن نفسه تشليها كده براحه
وبعدين تحطيها فى الفريزر وتحوشيها وكل لما تشترى لبن تكررى الخطوه لحد كده ما تملى حوالى علبتين كشرى
بس لازم تكونى بتحطيها فى الفريزر
كده يا ستى احنا حوشنا حبة قشطه
نيجى بقى للذبده
احنا هنطلع القشطه ونفضيها فى طبق واسع
ونغطيها ونسبها يومين بره التلاجه
وبعدين نطل عليها حلوه نطل ديه هههههههههههه
هنلاقيها ريمت شويه وبعدين نحركها كده بصوابع الايد براحه عادى خالص شويه بشويه
هنلاقيها تقلت معانا وانتى بتحركى فيها هتلاقى اللبن الذايد فيها بينزل منها ده اسمه شيرش بترميه وتحركى فيها لحد ما ينزل الشرش كله الى فيها وبعدين اعمليها زى الكوره كده هتلاقيها مسكت معاكى ولفت كده وباقت زى الذبده يا قشطه
جربيها ومش هتندمى وسهله خالص والله ومخددش وقت خالص وبعدين حطيها فى كيس وضعيها فى الفريزر لحد ما تعملى شويه وبعدين سيحيهم مع بعض
والى تجربها تدعيلى
ربنا يهدى سرى انا وزوجى ويهديلى ابنى وبنتى مواضيع هذا القسم برعاية
سوسو حركوتو سوسو حركوتو فتكات حبوبة Fatakat 780550 عين شمس – مصر
سبحان الله و بحمده