ازيكم ياقمراتى ياحبيباااااتى
النهارده كان الغدا دجاج بالمشروم والصوص الابيض مع الرز
المقادير : صدور فراخ مقطعه شرائح – 2 بصله – مشروم
البهارت بقا اللى انتى تفضليه بس بهراتى : ملح – فلفل اسمر – كارى – شطه – بهار – ثوم بودر و فصين كاملين
حمرت فصين الثوم ف طاسه مع زيت ذرة ولما الريحه طلعت شويه ضفت الفراخ تشويحه كده لما لونها يتغير
ضفت البصل والمشروم وسبتها على نار هاديه 15 دقيقه تنزل ميتها وتستوى
هنا الفراخ والبصل تمام استو ارفعيهم على جنب وعملت الصوص الابيض
الصوص : 3 معالق دقيق – لبن – قرفه – 2 مكعب ماجى – ملح – كارى
ولما يبدأ يتقل بسييييييط ارفعى من ع النار وضيفى للفراخ اللى استوت
وهنا ضفت الفراخ للصوص
وهنا مع الرز وعلى فكرة الرز فى بسله وعملت الرز المره دى وضفت له جنزبيل بودره وكان طعمه جميييييل
يابنات ودى اول مره اجرب الرز كده فعلا طعمه فارق اوى بس مزودتش عن معلقه صغيره
وكده الوصفه دى خلصت وهى اسهل مما يكوووون والله ما اخد منى الغدا ده اكتر من ساعه الا ربع
وكان كله جاهززززززز
اتمنى تعجبكم وتدعو لولادى يا حبايبى
وتقيمو الموضوع بلييييييييييز يا قمرات قيمو الموضوع بعد اذنكم طبعاااا
ف حفظ الله
مواضيع هذا القسم برعاية
jojo queen jojo queen فتكات ست الكل Fatakat 171568 الدوحة – قطر