السلام عليكم
ازيكم يافتوكات
زوجي بالليل كده طلب مني اعمله بيتزا بكره
اللي هو النهارده قلتلو عنيا علشانك
طبعا لازم ابين له انه طلباته بتتنفذ من اول كلمه
اسكتو اصلو يمكن يوديني البحر بس يارب عبال مايرجع من الشغل
ما يغيرش رايه
المهم دخلت المطبخ وقلت يالا علي الصبح كده قبل الحر اعملي البيتزا
وجيت قعدت علي فتكات الاول طبعا
وقلت هاعمل البيتزا بعجينة العشر دقايق
وعجنت العجينه
وجيت كملت قاعدتي مع حبيبتي
طبعا عارفينها
وشويه وقلت عندي لحمه اما افرومها واعمل بيها بيتزا
وشويه اللحمه اغرتني وقلت اما اعملها حواوشي واسكت وهف عليا وقلت لازم اعمله
بلا بحر بلا وجع دماغ واجهز العيال واروح البحر اقعد اقلع العيال والبسهم
والهدوم تبقي كلها مايه لالالالا مش لازم بحر خلاص
كل ده علشان اعمل العيش باللحمه وانسي البيتزا شوشو بقي اعمل ايه
المهم
جهزت اللحمه عملت بصلتين وسط مفرومين ناعم
وطماطمايه وعودين بقدونس وكل التوابل اللي في المطبخ هههههههههه
اه والله وا هو ده سر الاكله امال ا يه
ملح وشطه وكمون وكسبره وفلفل وبابريكا وزعتر وقرفه وجنزبيل وتوم بودره ونوعين بهارات كده كانو عندي
فرح توابل مش كده ههههههههه
ومعلقتين زيت كمان
وعجنتها علقه موت بصو بقيت عامله ازاي
وجيت للعجينه اللي خمرت علي الاخر وكنت ناسياها طبعا منا قاعده مع فتكات بقي امال ايه
وقطعتها كده
وبعدين فردتها
وحطيت عليها اللحمه وجبت عجينه تانيه وفردتها وغطيت بيها اللحمه وده كان شكلها
وطبعا ما نسيتش اخرم الرغيف من النصف علشان ما يعلاش
ودهنت الوش بالبيض ودخلتها الفرن علي درجة حراره عاليه
وتعالو شوفو لما استوي
ونفسي تجربوه
بس استنو هاقولكو علي سراول ما يطلع من الفرن لو معاكي بخاخ حطي فيه شويه مايه ورشي خفيف علي الرغيف وحطيه في حاجه وغطي عليه علشان يبقي
طري وجميل
وسر كمان ترققي العجينه خالص علشان ما تنفش جامد ويبقي العيش كانه ما فيهوش لحمه
وبالهنا والشفا
معلش بقي مالليش في الديكورات
وما تنسوش تدعولي ان جوزي ما يزعلش ما يرجعش في كلامه
احسن نفسي اخرج والله
لاننا في غربه وفي حبسه ما يعلم بيها الا ربنا
وسلا
اااااااااام
استنو اوعو تنسو الرد والتقيييييم
احسن اطلعلكو في الحلم
هههههههههه
مواضيع هذا القسم برعاية
رورة2017 رورة2017 129578_4.gif فتكات رائعة Fatakat 129578 الاسكندريه عروس البحر – السعوديه