بسم الله
انا الحمدلله ولدت من 16 يوم وولدت طبيعى وكمان ف عاشر يوم من التاسع
واول بيبى الحمدلله بجد انا فرحانة جدا جدا ان ربنا قومنى بالسلامة وكمان ان بنتى حببتى متاخرتش عليا
اولا لازم اقول ان المشى واكل التمر بعد الجماع مهم جدا جدا لانو الطلق بيحمى اوى كدة
انا كنت كل يوم بمشى مسافة كبيرة وانا عندى طلق اللى هو تفاسيح
وكنت باكل 7 تمرات الصبح و7 بعد الجماع وكنت باخد شاور بمية سخنة
ندخل ع المهم والمفيييييييييييييييد
يوم الولادة عملت كل اللى قلت علية ده احم احم من غير ما امشى طبعا فاهمين
وكنت نازلة اودى للدكتورة التحليل بتاعى وكنت حاسة بتعب شوية بس كان مختلف
كان ضهرى واجعنى شوية وبعدها بطنى وجعتنى كل ده وانا ف العيادة وقلت هقول للدكتورة
المهم دخلتلها وقلتلها وكشفت ع بطنى قالتلى عادى تفاسيح
وبعديييييييين كنت بردو حاسة ان فى حاجة مختلفة الوجع بيروح وبييجى وعمالة اقول يعنى اليوم اللى ادخل للدكتورة
وانا عندى تفاسيح تبقى خفيفة كدة
ومشيت انا وجوزى مسافة صغيرة ولقيت حاجة عملت بووووووم حاجة فرقعت
وهوووووووووب مية بتنزل منى
وانا مش مستوعبة ده انا كنت عند الدكتورة وقالتلى عادى وانتى بكرية وف اول التاسع يعنى مستحيييييل
وقلت لجوزى انا بعمل بيبى على نفسى وانا الحمدلله منتقبة ف كنت لابسة اسود والنور والله العظيم ف الشارع كان مقطوع
ههههههههههههه ف كنت مستورة وهو قالى معلش احنا قربنا نوصل
واقولو بجد مش عارفة امسك نفسى ركبنى يقولى لا احنا قربنا نوصل رخامة بئا بس هو ده اللى جاب معايا نتيجة
وبعدين روحت البيت وانا كل ده مصدومة ومش فاهمة حاجة وخايفة جدا من كل حاجة
اول ما وصلت عند ماما قولتلها فى مية بتنزل منى وانا مش عارفة اية هيا
سبحان الله اللى اكدلى فعلا انى دخلت الحمام اسفة جدا ف التعبير لقيت مية بتنزل منى بردو مع نزول اعزكم الله البول
طبعا كلمت الدكتورة ع طول قولتلها الحقينى انا ف ى مية بتنزل منى طبعا مصدقتش قالتلى روحى المستشفى لو ولادة هجيلك
وبسرعة بسرعة جرينا والممرضة كشفت نسا عليا لقيت المية دى غرقت السرير قالتلى انتى ولادة
وبعدها بربع ساعة الدكتورة جت بقت كل شوية تدخل تكشف نسا وتمشى
وانا بقا حاسة بوجع كل شوية بيزيد وهيا كل شوية تيجى تكشف
كشفت 3 مرات بس ونزلتنى بقا العمليات
اهم حاجة ان لما الطلقة تجيلك تكتمى وتستحملى متصوتيش زى ما عملت
الدكتورة قالتلى انتى بتضيعى الطلقة بالكلام
لان فعلا لما مسكت نفسى وسمعت كلامها البيبى نزل والحمدلله بس فعلا كل ده كان فضل من ربى
للان انا الدكتورة قالتلى ان البيبى كان مزنوق ف الحوض وانا مش عارفة اضغط ع نفسى
والدكتورة قالت دعائى هو اللى نجانى وان هيا كان قدامها 10 دقايق لو منزلش البيبى كانت هتولدنى قيصرى
والدعاء هو
يارب يسر ولا تعسر والاهم
لا اله الا انت سبحانك انى كنت من الظالمين
وكان عندى يقين ان ربنا هينجينى بالدعاء ده والحمدلله مكملتش ربع ساعة ف العمليات وجبت ريتال حبيبتى
وطبعا اول ما الراس نزلت اديتنى بنج وكمان انا حسيت وهيا بتوسع وموجعتنيش انتى بتحسى بحرقان خفيف
يعنى بتبقى حاسة ان فى حاجة بتحصل مش اكتر لان الطلق والراس كمان بيخدروا طبيعى من تحت
وكمان اللى كانو بيقولو ان الجرح صعب اه بيتعب بس مش زى القيصرى اكيد وبعدين بتعرفى تتحركى وهو اخرك اسبوع وبتبقى تمام
اه نسيت اقولكو ان انا متخيطش دى حاجة كدة تجميل جديدة عاملة زى الكبس بتضم اللحم على بعضو مش عارفة ازاى
بس كويسة الحمدلله….
بس والله ووالله ربنا رحيم وكريم وبصير بعباده
اهم حاجة انك تكونى عندك حسن ظن بالله ان ربنا مش هيسيبك ومتخافيش م الطبيعى
لكل واحدة هتقرا موضوعى ادعيلى لان اللبن بيقل عندى من امبارح ومش عارفة السبب
وكمان بنوتى عندها نسبة صفرا قليلة ف ياريت تدعولى
يارب يرزقكم بساعة سهلة وتقومو تجرو وتبقو زى الفل
ايمان ام ريتال ايمان ام ريتال 606956_14.gif فتكات هايلة Fatakat 606956 الهرم – مصر