فتوكاتي حبايبي ازيكم عاملين ايه وحشتوني كتييييييييييييييير النهاردة جايبالكم الحمام الخطييييييييييييييييير من ايدين ست الكل حبيبتي ربنا يخليهالي يارب قلتلها انا نفسي في حمام الست مكدبتش خبر وراحت اشترته وعملته قلت لازما ولابد اوريه لفتوكاتي حبايبي مبدايا كدة صورة للتعذيب يووووووووه قصدي للتشويق
ندخل بقى على الطريقة
اول حاجة نغسل الحمام كويس وننقي الفريك ونحط عليه مية بتغلي لمدة حوالي نص ساعة
وبعدين نعصره من المية وننشفه في طاسة على النار نقلبه كدة حوالي خمس دقايق وبعدين نحط عليه 3 معالق سمنة او اربعة ونحط ملح وفلفل وبهارات
بعد ما يبرد نبدا نحشي الحمام ونربط الرقبة عشان الفريك ما يطلعش برة ونكبسه حلو لحد ما حجم الحمامة يكبر
نبدا بعد كدة في سلق الحمام نحط بصلة كبيرة على النار مع معلقتين سمنة ونشوحها مع حبهان ومستكة وورق لورا ونقلب فيها الحمام وبعدين نزود المية ونسيبه يتسلق لحد ما يستوي نطلعه من الشوربة ونحمره في السمنة
على فكرة مامتي حبيبتي هي اللي عملت كل الخطوات
انا قمت بتحميره بس اه ما هو الواحد برضو لازم يعطي كل واحد حقه هههههههههههههههههههههههههه وبالمناسبة دي كمان احب اقولكم ان الفتوكة (جنى دودو ) مراة اخويا هي اللي قلبت الفريك عالنار وكمان الفتوكة (زهرة الربيع235 ) بنت عمي كانت واقفة تتفرج عليهم وهما اكدوا عليا اني اقول دورهم محسسني انهم فتحوا عكة ههههههههههههههههههههه
والحقيقة في دور تاني كل اللي في البيت اشتركوا فيه طبعا هو اننا خلصنا عالآكل هههههههههههههههه
يلا بقى اسيبكم مع الصور الكتييييييييييييييييييير
ومش هوصيكم عاوزة الردود الحلوة والتقييم والمرة دي مش عشاني خالص دة عشان ست الحبايب
مواضيع هذا القسم برعاية
المشتاقة الى ابنتها المشتاقة الى ابنتها 577010_6.gif سوبر فتكات Fatakat 577010 بورسعيد – مصر