السلام عليكم ورحمة الله وبركاته
يارب تكونوا بخير ياقمرات
أنا بقى غير مفيدة في المدونة بس والله غصب عني لأني كنت مثلاً أدخل ساعة ألاقي مواضيع تجذبني أدخل أقرأ يبقى العيب فيكو انتو اللي بتحطوا عناوين أتراكتيف أنا قلت أستخدم كلمة في الانجليزي بدل ما أنساه كله ويبقى دراسة الثانوية راحت في الفاضي وبعدين أكملكم ماكنتش بكتب ليه
وكان بيبقى ورايا مذاكرة والحمـــــــــــــــــــد لله ارتحت منها المفروض للأبـــــــــــــــــــد ربنا مايعيدها تاني يااااااااااارب
النقطة التالتة إني بحس المدونة فيه كـــــــــــــــــل حاجة وإن مشاركتي هتتحط في المكرر يااااااااااااه على التفاؤل
بصوا بقى من الآخر عشان أنا رغيت كتير أنا عندي القولون ياحلوات وطبعاً القولون العصبي بيجيب إمساك بعد الشر عنكم يعني
وكنت قرأت في المدونة طرق للتخلص منه مثلاً فتوكة ربنا يجازيها خير كاتبة تشربي لبن بالبصل المبشور بس أنا شايفة إنه حل صعب جداً وعايز مغامرة بصراحة لو هموت عمري ماهجربه
المهم إليكم الخطوات ويااااااااارب شكي مايطلعش في محله ويتحط في المكرر
ربنا يستر عشان مايجيليش إحباط
1- اللبــــــــــــــن ومش هقولكم طبعاً بالبصل
وهنفترض إن فيه ناس زيي كده مابتحبش طعم وريحة اللبن تعمل ايــــــه ؟
هتغير نكهته -ههههه- خطيرة أنا وعندي أفكار مش عند حد
أنا بعمل نسكافيه بلبن وده بشربه بالنهار أو عصير موز باللبن أو سحلب باللبن وده بالليل لأنه بيهدي الأعصاب وبينيم
وأصلاً حتى لو واحدة ماعندهاش القولون ربنا يعافيها لاااااااااازم تشرب لبن عشان الكالسيوم كــــــــــل يوم سواء آنسة هيجيلها يوم وتتجوز بإذن الله أو مدام عشان الرضاعة وعشان صحتها بعد الولادة وصحة العظام والأسنان والله أنا أعرف واحدة سنانها بتقع لوحده وهي ماكملتش أربعين سنة من قلة الكالسيوم وعندها 4 أولاد
2- السلطة .. وأهم عنصرين فيها (الجزر والطماطم) بس اللي عندهم المعدة تعبانة بلاش الطماطم
3- الفاكهة التي تحتوي على ألياف وقشور زي البرتقال والعنب وبرده اللي عندهم معدة تعبانة بلاش الحمضيات خالص
4- مهم جداً .. على الأقل 2 كوب ماء على الريق قبل الفطار يعني وتقعدي بعده ربع ساعة كده
5- مهمة برده .. كوب ماء محلى بعسل النحل رااااااائع مغذي جداً ومفيد للجهاز الهضمي والكبد ودي قرأت إنها سنة عشان كده عملتها
6- اللوز ..برده حلو اوووي وعن تجربة .. كل ده والله أنا مجرباه وبيجيب معايا نتيجة كويسة الحمد لله
والله الحاجات دي لو عملتوها والله صحتكم هتتحسن جداً وبالذات الشعر وطبعاً زي ماذكرت قبل كده لااااااازم كل واحدة تهتم بغذاء نفسها ولو صغيرة عشان الغذاء ده اللي هينفعها لما تتجوز بإذن الله
ومانعتمدش على الأدوية الكيميائية وخلاص طالما ربنا أوجدلنا الخير
ده كل إللي أنا بعمله بأمانة وربنا يشفي كل مريض
وياااااااااارب الموضوع يفيدكم
بحبكم في الله ومكسوفة منكم جداااااااا
جويل جويل 224941_2.gif فتكات هايلة Fatakat 224941 مصر – مصر