ازيكم يا احلى فتوكات فى احلى منتديات
بصوا بقى انا جربت حلبه وسمسم وسكريات ونشويات وكل حاااااااجه ومكملات غذائيه وكله كله جربته
ورحت لدكاترة وعملت تحاليل للغدة ومكنش عندى حاجه الحمدلله
كل الحكايه انها كانت مسالة نفسيه وانى لما بحزن مباكلش وبخس بسرعه لان نفسى بتتسد وبحرق فى دمى
انا بقى رحت عند العطار . ممكن فى قسم العطارة اللى فى فتح الله . المهم انه عطار
هو برطمان كده فى علبه كرتون اسمه _ مربى خرز البقر- متتريقوش والله دى هى دى اللى فيها السر وحلت المشكله
مفيهاش اى مواد كيميائيه تصلح للاطفال والكبار فعلا انا مجرباها والله ما مؤذيه لا بالعكس دى كلها عبارة عن
عسل اسود وعسل ابيض وحلبه مطحونه ولوز مطحون وبكتين وخميرة وكل ده طبيعى والله
وانا كنت 60 كيلو وطولى 165 سنتمتر . خسيت بسبب موضوع كدة مضايقنى 10 او 11 كيلو . فى تلات شهور رجعت 60 كيلو تانى
دة بتاخدى منه معلقه عالريق اول ما تصحى من النوم . ومعلقه قبل الغدا ومعلقه قبل النوم
بصى هو مسكر اوى اوى فعلشان ميموعنيش بشرب ميه بسرعه واكل بعديه اى حاجه حادقه
فى ناس بيحبوا يدوبوا معلقه فى كباية لبن ويشربوها . بس لاء انا شايفه انك تاخدى معلقه وتشربى مايه بسرعه دى هتخلصلك الدنيا احسن علشان متموعيش من الحلاوة والسكريات بتاعته
انا قعدت تلات شهور ووقفته
الحلبه مش بتعمل ريحه لانى انا بكره ريحتها
ومفيد جدا هتلاقى وشك دور وخدودك وردت
ممكن تاخديه شهر وتجربى وممكن شهرين عادى لحد ما توصلى للوزن اللى انتى عاوزاه
وده مش محتاج دكتور ولا اى حاجه وانا بقالى من سنة 2024 بستخدمه كل ما الاقى نفسى هخس اخدلى كام معلقه وارجع تانى وهتدعولى والله
دندونة درش دندونة درش 419492_3.gif فتكات هايلة Fatakat 419492 الاسكندرية – مصر
سبحان الله و بحمده