بسم الله الرحمن الرحيم
مصر التي في خاطري وفي فمي
أحبها من كل روحي ودمي
ياليت كل مؤمن بعزها يحبها حبي لها
بني الحمى والوطن من منكم يحبها مثلي أنا
نحبها من روحنا ونفتديها بالعزيز الأكرم
من عمرنا وجهدنا
عيشوا كراما تحت ظل العلم تحيا لنا عزيزة في الأمم
أحبها لظلها الظليل بين المروج الخضر والنخيل
نباتها ما اينعه مفضضا مذهبا
ونيلها ما أبدعه يختال ما بين الربى
بني الحمى والوطن من منكم يحبها مثلي أنا
نحبها من روحنا ونفتديها بالعزيز الأكرم
من قوتنا ورزقنا
كلمات /شاعر الشباب احمد رامى
تعالوا نعمل ثورة على نفسنا وعلى طفاستنا وعلى كسلنا
نعمل ثورة علشان كل بنوته حلوة مننا تخرج من كورة الدهون اللى مخبية جمالها
ايه اللى يجبرك انك تكونى منكسرة..ومكسوفة من نفسك ومن جسمك
ان الله جميل يحب الجمال
فيه دكتور تجميل فرنسى بيقول
مافيش انثى مش جميلة..فيه انثى مش عارفة تظهر جمالها
ماشاء الله ربنا يتمم خسسانى على خير
انا خسيت 37 كيلو لحد النهاردة
الحمد لله ربنا يتم نعمته عليا ويبارك لى فى صحتى
كنت بصلى بصعوبة علشان ظهرى وركبى.وساعات كنت بصلى وانا قاعدة او واقفة..دلوقت بصلى عادى وبمنتهى السهولة
عندى نشاط اكبر من الاول
كنت بطلع السلم مش قادرة اخد نفسى ولازم ارتاح كل دور..دلوقت بطلع ونفسى منتظم وبطلع الدور الرابع مرة واحدة
كنت يا حاجة((حتى من ناس شعرهم كله ابيض)) دلوقت يا مدام..وواحد قال لابنى..شوفتك فى الشارع بس ما رضيتش اكلمك لان اختك كانت معاك
بلبس حاجات كتير كنت محرومة البسها..وبعد ما كنت زى شوال البطاطس ولا شوال القطن..بقى فيه تضاريس منسقة ..وشكلى بقى انثى بجد
احساسى ..انى كنت متكتفة فى بدلة محشية دهون..لاعارفة اتحرك ولا اعيش ولا اتنفس..ودابت البدلة دى وبقيت زى الفراشة ..ما فيش حاجة مكتفانى
بدل ما كنت بتكسف اكل قدام حد.((حتى الاكل القليل)).واستخبى واكمل اكلى بعيد عن العيون اللى بتراقبنى.وبتعد عليا اكلت ايه وتبالغ فى نظراتها حتى لو اكلت اقل من وجبة طفل صغير.دلوقت .باكل بحريتى..
قولوا ما شاء الله..ربنا يتمم على نعمة الخسسان والرشاقة يارب بصحة وعافية انا وانتم كلكم يابنات
هاه….؟؟؟؟؟؟؟؟؟؟؟؟؟؟؟
عايزين نخس بجد..مين عايزة تخس معاي
عايزين نعمل رجيم ورياضة ونهتم ببشرتنا
بس المهم الرجيم اللى يخسسنا واحنا محافظين على صحتنا
مش نصلح مشكلة ونقع فى مشاكل تانية
ماشاء الله ولاقوة الا بالله
ربنا يبارك فى صحبتنا وصداقتنا
ويقلل فى وزننا بصحة ورشاقة
.
.
اهلا بيكم فى الجزء ال 34.
ده لنك لمرجع الفريق فيه كل الرجيمات والتمارين والوصفات
.
.
((مرجع)) الحلم حيبقى حقيقة.. بالذوق او بالعافية حتبقى رشيقة
.
.
الاستمارة
تتملى يوميا..ولو حصلت ظروف ما قدرتيش تدخلى يوم املى بتاعة اليومين.او التلاتة اللى غيبتيهم…خلاص؟؟؟؟؟
للاشتراك
عندنا رابط فوق للمرجع حتلاقوا فيه رجيمات وفيديوهات للتمارين ووصفات للتخسيس
وكمان وصفات للبشرة والشعر اللى بيتبهدلوا من الرجيم
خلاص؟؟؟
عندنا فريقين فريق الارادة و فريق التحدى
بنملا الاستمارة يوميا
الحاجة اللى عملتيها تمام تاخدى عليها درجتين..عملتيها نص نص تاخدى درجة واحدة..غير كده يبقى صفر
وبتجمعى الدرجات
واخر الاسبوع واحدة بتفوز بتاج الرشيقة الاكثر التزاما بالرجيم والاستمارة وواحدة بتفوز بتاج الرشيقة الاكثر نزولا فى الوزن
الاستمارة اهى
تاريخ اليوم
نوع الرجيم
مدى الالتزام بالرجيم: =
الرياضة(نوعها والمدة: =
تناول فيتامين او اى مكمل غذائى: =
شرب الماء =
شرب اى وصفة عشبية: =
الدلع والاهتمام بالجسم =
شغل البيت((ايه هو))=
ممارسة الهوايات=
عمل شىء مميز للبيت او الاولاد خلال الاسبوع=
اداء العبادات=
المجموع=
.
.
.
الجميل ده للى تعك..لزوم فتح النفس كمان وكمان
اهلا بيكم يابنات
وباذن الله محققين كل امالنا واحلامنا
ونوصل للمثالى ونقدر نحافظ عليه طول عمرنا
حبيبة_امها حبيبة_امها 202418_3.gif ممنوعة من المشاركة Fatakat 202418 البحيرة – مصر