الحقونى يا فتوكات اول مرة اعمل حاجة وتفشل طول عمرى لهلوبة فى المطبخ والكل بيشكرفى اكلى
يا تراى اية اللى حصل مش عارفة
امبارح باليل نفسى هفتنى كدة انا جوزى على الفطير المشلتت
قولت اعملة
بصراحة العجينة طلعت مظبوطة مية مية ومش عارفة اية اللى حصل
بصوا انا هقولكم عملت اية
حطيت الدقيق فى العجانة وحصيت رشة ملح ورشة سكر ( اكتر من نصف كيلوا بشوية)
وشغلت العجانة وفضلت انزل عاليها الماء شوية شوية لغاية مابقت كتلة واحدة نعمة والعجانة بقت نظيفة
بعد كدة قسمت العجينة 8 قطع وكورتها وحطيها فى طبق كبير مدهون زيت ودهنت وش العجينة كمان بالذيت عشان ماتعملش قشرة وغطيها بالبلستك
وسبتها ترتاح ساعة
بعد كدة دهنت الرجامة بمنديل فى زيت وفرت اول كورة من العجين لغاية مابقت رفيعة اوى بس ماعرفت اخليها شفافة كانت رفيعة اوى
بعد كدة شلتها وحطيها فى اكبر صنية عندى مدهونة بالزيت ودهنت وش العجينة بالسمنة وبعد كدة فرت تانى كورة ونقلتها فوق التانية ودهنتها ثمن ولفيت حروفها تحت العجينة الاولى وفضلت اعمل كدة لغاية ماخلصت ال8 كور
وكانت المفاجائة الفطيرة تختوخة وكبيرة على الصنية
رحت نقلتها فى طبق الميكرويف المدور كان اكبر من الصنية ضغط على العجينة لغاية ماملئت الطبق وطبعا عشان الطبق مافهوش حروف ومش هاعرف اطلعة من الفرن حطيتة جوا صاجة كبيرة
بس بردوا حسيت ان العجينة كبيرة بردوا
المهم دخلتها فى فرن سخن وحامى وكنت مولعاه على الاخر
وكل شوية رايحة جاية عاليها
المفروض تتنفخ
ماتفختش خالص
وبعد ماحمرت واخزت 40 دقيقة كدة
طلعتها كانت شكلها حلوا بس عشان ماتنفختش عرفت ان فى مشكلة
وبعد مقطعتها
كانت المفاجاءة
–
–
–
–
–
–
–
–
–
–
–
—
–
–
ماستوتش من تحت
هى صحيح كانت مرقق يعنى فيها طبقات زى الفطير
بس الطبقات كات تختوخة شوية
والفطيرة صحيح طعمها حلوا بس مش مظبوطة محصلتش فطير الفرن اللى بجنية
وطبقتها مش خفيفة وبتلكم
وطبعا قولتوى كلتها ازاى وهى ماكنتش مستوة من تحت هى كانت مستوية بس العجنة ماحمرت زى الوش دخلتها التوستر وشغلت عليها التوستر النبة اللى تحت بس لغاية ماحمرت
بس ماتسبونيش
قولولىىىىىىىىىىىىىىىىىىىىىىىىىىىىىىىىىىىىىىىىىىىىى
انا عملت اية غلط
هتجنن خلاص
انا فى اعتقادى انها ماحمرتش من تحت عشان عشان حطيت الطبق جوة صاجة والفطير بحتاج حرارة عاليا
وبقول ماتنفختش عشان نفس السبب
والرقات بتعتها كانت تختوخة عشان ماتنفختش
وكمان العجينة كانت المفروض تعمل فطرتين مش فطيرة واحدة
يعنى حجمها كان كبير على الطبق
يا تراى اعتقاداتى صح
ولا ليكم رائى تانى
سعدونى بليز اتهأرت خالص وجوزى شامت فيا
وعايزة اجربها تانى مواضيع هذا القسم برعاية
sally23 sally23 فتكات رائعة Fatakat 5489 القاهرة – مصر
سبحان الله و بحمده