ازيكم يا قمرات معايا وصفه السريه لكنتاكى بس هايلللللللللللللللللله احلي من كل وصفات اللى جربتها و هيا:
1-تقطعي الفراخ لقطع صغيرة و تنقعيها في زبادى مخفف بلبن يعنى لو فرخه يبقي كبايه زبادى كبيرة و متخفف بلبن عشان يبقي في تخانه اللبن الرايب و معاهم ملح و فلفل و بهارات و اوريجانو و روز ميري (انا ملقتهمش عند العطارالاوريجانى فاستغنيت عنه)و
و تنقعيهم من بليل للصبح 12 ساعه
2-تجهزى خليط الدقيق كوبايه دقيق مع نص كبايه نشا و معاهم معلقه صغيرة من (قرفه و جنزبيل و 2 معلقه بهارات و 2 معلقه فلفل اسود و 2 معلقه كركم و 2 معلقه شطه حسب الرغبه و 3 معلقه ملح) و تقلبيهم كويس و تاخدي الفراخ من خليط النقع و تحطيه في الدقيق و ترفعيه من الدقيق و تحطيه في خليط من (2 بيضه و كوبايه لبن و ملح و فلفل)و تحوشيه من البيض للدقيق تانى و بعدين تقليه علي نار هاديه لحد متستوى و يصبح لونها جميل
ملحوظه هااااامه:
الزيت يكون كتير عشان الفراخ متطلعش دم اثناء القلي و تنفع مع البانيه كمان
و لازم تنقع 12 ساعه عشان تستوى كويس بدل السلق
و يمكن اضافه بصله صغيرة مفرومه ناعم لخليط النقع او ممكن تضيفي ثوم بودر و بصل بودر لخليط الدقيق و حسب الرغبه و المتوفر
و استمتعوا باحلي طعم و بالف هنا و شفا و اللي يجربها يقولي و يدعيلي مواضيع هذا القسم برعاية
lovely twins lovely twins 112337_4.gif فتكات هايلة Fatakat 112337 المنيا – مصر