السلام عليكم و رحمة الله و بركاته
ازيكم يا فتوكات ياقمرات عاملين ايه مع لبرد جايبالكم شوربة مغربية تدفيكم في البرد دة اللي هي الحريرة
بصلة متوسطةمقطعة مكعبات صغيرة
1طماطم كبيرة مبشورة او مضروبة في الخلاط
شوية لحمة مقطعة قطع صغيرة
2ملاعق كبيرة صلصة طماطم
مكعب مرق
150 جرام حمص منقوع من باليل و مقشر
50جرام عدس منقوع ربع ساعة قبل الطبخ 50جرام شعرية او مكرونة صغيرة 4ملاعق كبيرة بقدونس اخضر و كزبرة خضراء
2 ملاعق كرفس
5 ملاعق دقيق ابيض
التوابل
ملعقة صغيرة ملح
ملعقة صغيرة فلفل
ملعقة صغيرة زنجبيل مطحونملعقة صغيرة بابريكا
شوية قرفة(ممكن الاستغناء عنها)الطريقة
في طنجرة ضغط نحط البصل و اللحم و نضيف عليهم شوية زيت و نحطهم لغاية البصل ما يبتدي يدبل شوية مع التحريك
بعد كدا نضيف الطماطم و الصلصة و مكعب المرق و العدس والتوابل و الحمص اما الكزبرة و البقدونس و الكرفس فمبنحطهاش كلها بنسيب ملعقة صغيرةمن كل واحد منهم لبعدين
بنضيف لهم لتر مية و نقفل طنجرة الضغط و حطلها الصفارة بتاعتها
بعد نص ساعة نفتح و نشوف الحمص ادا استوى و بيتهرس بسهولة
ادا كانت محتاجة مية بنضيف لها و بنسيبها لحد ما المية تغلي ونضيف الشعرية و بعدشويةنخلط الدقيق بالمية و نضيفه مع التحريك و نضيف شوية الكزبرة و البقدونس و الكرفس
وممكن بدل الدقيق تحطي نشا لو حبيتي
ونسيبها لغاية لما الرغاوي اللي بتكون فوق الحريرة تقل ساعتها
ارجو تعجبكم الوصفة دي وياريت اللي عجبتها تقيم عشان انا كتبتها يجي عشر مرات ده غير عذابي مع الصور
وشكرا ليكم