<b>
اخباركوا ايه يا احلى فتوكات انا جايبالكوا النهرده الجلاش واللحة الضانى من مطبخى وبالصورنبدأ بالحمة الضانى انا عامله بنص كيلو لحمة ضانى كان فيها عضم لانها كانت جيالى فى العيد الكبير قولت اطلعها واعملها بطريق حلوه اولا بشرت بصل ودعكته كويس اوى مع الملح والكمون والفلفل الاسمر والشطه وشوية قرفه وجنزبيل مطحون وكارى وجبت علبة زبادى وضفتها للخليط ده وبعدين ضفت اللحمة فى الخليط علشان تتبل بعد ما تبلتها حوالى سعتين حطتها فى الصينيه وعلى فرن البوتاجاز عدل لغاية ما استوت واحمرت كمان وبعد كده جبت حتة فحمة وولعتها وحطتها فى الصينيه وغطيت عليها علشان تاخد طعم الفحم وده الشكل النهائى مش عايزه اقولكوا طعمها رووووووووووعة فتوكة هتقولى مشوتيهاش على الفحم ليه هقولها عنديش شواية فحم وعمرى ما استعملتها ♥فتوكة هتقولى كنتى خدى مية البصل بس هقولها بيصعب عليا ارمى حاجه وبحب البصل فى الاكل اوى هنيجى بقه يا قمرات للجلاش وهقولكوا على الطريقه معأنى عارفه انكوا اساتذه فى كل حاجهطبعا هنبتدى بالحمة المفرومة انا بعملها بالبصل والطماطم والفلفل الاخضر وبحط بهاراتى عادى خالص بس بزود الفلفل الاسمر وبحط شوية قرفه بعد ما اللحمة تستوى بجيب صينيه وادهنها معلقة سمنه واجيب طبق واسيح فيه معلقتين سمنه كبار واجهزه جامبى وبعدين هجيب لفة الجلاش وابتدى ارص نص الجلاش فى الصينية وبين كل جلاشه وجلاشه هحط معلقة سمنه من الى انا سيحتها فى الطبق واوزعها على الجلاش وكان عندى فى التلاجه جبنه شيدر على رومى على كيرى حطيتها على اللحمة الفرومه بعد ما خلصت نص كمية الجلاش كده وبعد كده حطيت النص التانى من الجلاش وبرضه متنسيش تحطى معلقة سمنه سايحه بين كل راق جلاش واخر راق شلت الزوايد الى فيه من الجلاش ودهنته سمنه وقطعته بالسكينه كدا شغلت الفرن وجبت كوباية لبن ضربت فيها بيضه وحطيت لها شوية ملح وشطه وفلفل اسمر . دخلت الصينية الفرن دقيقتين طبعا والفرن شغال يعنى سخن وبعدين طلعتها وضفت ليها كوباية اللبن بالبيض وده شكلها بعد ما طلعت من الفرن ودى بعد ما اطعتها وحطيتها فى الاطباق </b>
هنا بقه واحنا حطين الاكل علشان نتغدى اتفضلوا معانا يا فتوكات
مواضيع هذا القسم برعاية
قطرات الندى / نادية قطرات الندى / نادية 593909_12.gif سوبر فتكات Fatakat 593909 القاهرة – مصر
سبحان الله و بحمده