السلام عليكم ورحمة الله وبركاته
ده الجزء الثانى من موضوع
الاخت الجميلة الريسة "نرى محمد"
وهى صاحبة الموضوع الاصلى جزاها الله عنا كل خير
تعبتي من شكلك وجسمك تعالي معنا هنخس سوا وهنوصل مع بعض لرشاقه باذن الله انضمي لينا
الف مبروك على الجزء الثانى يا رشيقات المستقبل
وهنا بقه نسخة من موضوع حبيبة قلبنا الريسة نرى
وكانت بتقول فيه ……
صباح الخير يافتوكاتي الحلوين
طبعا كلنا مر ينا بلحظات احباط بعد كل رجيم فاشل:
كام واحدة فينا بتتكسف تلبس حاجة قصيرة في البيت علشان رجلها تخينة اوفيها سلوليت
كام واحدة فينا بتتكسف تلبس حاجة خفيفة اوضيقة علشان بتظهر تفاصيل جسمها او بطنها البايظه ونازله قدامها مترين
كام واحده خطيبها او حبيبها سابها عشان تخنها وقلها لو عاوزه تكملي معايه يبقي لازم تخسي
كام وحده جوزها قلها بقيتي عامله زي البروطه شوفي شكلك بطنك رجليكي بقيتي عامله زي امي
وما يقبل يخرج معك عشان شكلك المكعبر ولبسك لشوال الي انتي لابساه ده
كام مره دخلتي وكان نفسك تلبسي وتشتري لبس الجميل المعروض وما تتصدمي بكلمه معلش مفيش مقاسك روحي محلات xxxl هتلاقي مقاسك
كام مره اتعرضتي لسخريه اقرب ناس ليكي بسبب وزنك وجسمك من غير محد يراعي مشاعرك وتضحكي عشان ما تبكي
والمشكله الاكبر لو كنتي قاعده في البيت
وبما انى فاضية علطول يبقى باااااااااكل علطول
لحد مابقيت زى ايه؟
زى شوااااااااال القطن
"على فكرة فالبيت عندى بيقولولى كدة"
وعشان كدة جمعتكوا
انا مشكلتى مش انى مش بخس
لاااااااا
مشكلتى انى بحب الاكل
ومفيش عصايا سحرية هتخلينا ناكل ومنتخنش او ناكل ونخس
يبقى الحل ايه؟
الحل اننا نعمل جروب نشجع فيه بعض على الالتزام بالدايت و على الرياضةو على اننا مناكلش
بصوا بقا يا بنات
انا نويت اعمل دايت
وكل اللى ناوية تخس وتغير حياتها كلها وشكلها وصحتها
اهلا بيها معايا
النظام هيكون بعمل جروب هنشجع بعض ونساعد بعض عشان نتخلص من الوحش الي اسمه دهون وترهلات ونخلص من كلمه بكابوظا او كومبوا
انا فضلت اكل لحد ما وصلت للكامبوا ده عمالة اجمع فانواع دايت
واعرف معلومات
واشوف جروبات وبرضو باااااااااااكل طبعا كدة عمرى ما هخس
وانا معنديش استعداد اضيع عمرىكله وانا تخينة
عشان كدا قررت اني اعمل رجيم صح وهروح لدكتور (مصطفي ساري) من يوم الاحد القادم وهبتدي معه الرجيم الصح عشان اخس
وقلت اعمل الجروب ده عشان كلنا نمشي مع بعض في نفس الرجيم ونشجع بعض وباذن الله نخس كلنا مع بعض
وقبل ما نتبدي في حاجه لازم تعرفوها ان في حاجه اسمها كتله الجسم بمعني
حاجة بنعرف بيها وزننا طبيعى واحنا في مرحلة ايه
الوزن الطبيعى معدل الكتلة بيكون من 20 ل 25
لو زايد عن الطبيعى بيكون من 25 ل 30
لو انتى بدينة هيكون من 30 ل 35
لو بدينة جدا هيكون من 35 ل 40
لو مفرطة البدانة هيكون فوق ال 40
وطبعا انا بوزني وشكلي ده عندي بدانه مفرطه جدا جدا وبسبب التخن ده انا معرضه
لامراض
القلب السكر الكوليسترول الحاجات الحلوة دى
فعاوزين يا بنات باذن الله اننا نشكل (4 فرق)
1=الفريق الاول يكتب تقريره بالون الاحمر الي وزنه فوق 120 ( اي مفرط البدانه وبكون فوق 40)
الفريق التاني يكتب تقريره بالون الازرق الي وزنه (من 110_120) بدينه جدا هتكون الكتله من35 ل40
الفريق الثالث يكتب تقريره يالون البمبي وزنه من (100_110)هيكون بدين اي الكتله من 30 ل 35
اما الفريق الرابع فهو الفريق زايد عن الطبيعي (حسب وزن كل واحده وبكون من( 60 _ 100)لو زايد عن الطبيعى بيكون من 25 ل 30
اولا:
كل واحده هتدخل تشوف وزنها مناسب انهي فريق وتسجل فيه وتكتب تحت توقعها هيا من انهي فريق
ولازم كل واحده تحط صورة المستوى اللي هي فيه /////و قائد كل فريق بتكون المزه بتاع الفريق اللي هي أكتر واحده التزمت طول الأسبوع
عشان نكون عارفين بعض ونعرف نتابع معها ونشوف مدي التزامها برجيم وبتخس قد ايه في الاسبوع ونعرف نقيمها
وعشان تكافئ بوجبه الفري كهديه ليها
ثانيا :هاتي مازوره واعملي دفتر قياس ليكي افهمك ازاي
هتعملي زي جدول من تاريخ الرجيم وتكتبي قياس محيط الذراع الصدر الفخد البطن الهنش
وتسجلي القياس الجديد مع كل ميزان بتوزينه صدقيني هتفرحي وتنبسطي كتير هتكوني عاوزه تخسي اكتر واكتر
ثالثا: لازم يكون ميزانك ثابت وما توزني غير في اخر الاسبوع عشان ما يصيبك احباط ويكون وزنك لميزان واحد فقط لان في اختلاف من ميزان لتاني واسالي مجرب والله
رابعا :لا زم يا بنات لو سمحتوا نكتب يومياتنا كل يوم مش غلاسة منى ولا بفرض عليكوا شروط لا بس هو دة اللى بيشجعنا لما اشوف كل اللى حواليا ملتزمين وماخرفوش فالدايت بتاعهم هلتزم انا كمان
يعني كل واحده تدخل تقول اكلت ايه في الفطار والغدا والعشا وعكت ايه وشربت ايه ولعبت رياضه ايه ده كله بيتحسب نقاط لفريقها عشان يفوز الفريق تبعها
وغير كدا
هنتعرف ونتصاحب على بعض هيكون وقت لذيذ وهنتواصل مع بعض وهنكون اسره بجد
وطبعا لو مخرفة فالدايت عادى جدا انك تكتبى دة متخفيش وقولي انك عكيتي تعكي يوم وتقولي احسن ما تعكي علي طول وتقولي بكره هخس ولا ايه ولا عاوزه تفضلي
ده كله في ايدك انتي الموضوع كله اراده مش اكتر
يا بنات لو التزمتى انتى اللى كسبانة مش انا انا مش هستفاد لكن نفسي كل الفتوكات تخس ونشوف الرشاقه حلم عمرنا فيه و كل واحد ه هتلتزم وهتخس ان شالله حتى كيلو هى المستفيدة وهتزيد ثقتها بنفسها
خامسا: كل واحده هتدخل تسجل اسمهاهتكتب المعلومات التاليه
الاسم:
الوزن:
الطول:
الهدف الاول:
الهدف الثاني:
مدي الالتزام بالرجيم:
الرياضه ونوعها:
شرب الماء:
شربك للمشروب السحري او اي نوع من الادويه:
تاريخ بدايه الرجيم:
واهم حاجه هيا في انهي فريق تكتب تحت توقعها او تحط صوره الفريق تبعها
الجروب ان شاء الله هيبدا من يوم الاحد مع معاد( الدكتور مصطفي ساري )والاشتراك من دلوقتى وزى ما قلت يا بنات انا هبدا مع اى عدد ان شالله ابدا وحدى
بس هكون مبسوطة اكتر لو اشتركنا مع بعض وشجعنا بعض وخسينا مع بعض
والله ولي التوفيق
ملاحظه اي واحده حابه تعمل رجيم حر مش مرتبط بدكتور مصطفي ساري تدخل تكتبه سواء كان كيميائ او اللقمات او اي حاجه ولو حابه اني اكتبلها اي نوع رجيم تقلي في الخاص وانا اكتبلها الرجيم الي هيا عاوزاه ولو تحب تمشي معنا بردوا مفيش مانع
المهم ندخل كل يوم نقول احنا عملنا ايه عشان نساعد بعض)وننوصل للمثالي
بزمتك منفسكيش تصيري كدا
انا شخصيا نفسي وهعمل كدا باذن الله يلا مستنياكم عشان نتعرف علي بعض ونبتدي سوا
دي المراجع تبعتنا ادخلي عليا بضغط علي الينك
ده مرجع رجيمات لدكاتره مشهوره للي يحب يعمل رجيم لوحده
https://forums.fatakat.com/showthread.php?p=54742217&posted=1#post54742217
مرجع الاهتمام بجمالك ورشاقتك
https://forums.fatakat.com/showthread.php?p=54782201&posted=1#post54782201
تعبتي من شكلك وجسمك تعالي معنا هنخس سوا وهنوصل مع بعض لرشاقه باذن الله انضمي لينا ومش هتندمي
https://fatakat.univanet.com/#2239804
ملف كامل عن ممارسه تمارين الرياضيه
https://forums.fatakat.com/showthread.php?p=54817684&posted=1#post54817684
دردشه خاصه بجروب تعبتي من شكلك وجسمك تعالي معنا
https://forums.fatakat.com/showthread…1#post54962335
الاستماره
https://fatakat.univanet.com/#p54963346
om zido om zido 562273_5.gif برنسيسة فتكات Fatakat 562273 ارض الله – مصر