السلام عليكم ورحمة الله وبركاته
اخباركم ايه يا قمراتى
بجد انا فرحااانة أوى أول مرة أعمل موضوع وهيتم غلقه لتجاوزه عدد المشاركات الالف بسم الله ماشاء الله
باذن الله مكملين مع بعض والجزء التانى يكون أحلى وأشمل من الأول
انا بصراحة عاوزة أسمى الرجيم ده رجيم بقايا امرأة لان هى السبب انها عرفتنا بيه ربنا يجازيها كل خير
وهقتبس كلامها عن الدايت
الريجيم ده ياجماعه مش كيميائى
عشان محدش يسالنى السؤال ده كتير
هو بيعتمد على الغاء الرز والمكرونه والعيش
وطبعا الحلويات
بس مسموح ليكم بمعلقتين سكر فاليوم
وبالبطاطس المسلوقه
بس بلاش مطبوخه ولا محمره
والفاكهه باى كميه ماعدا الممنوعات
الى هى المانجه والبلح والتين والعنب
والخضار باى كميه
مسموح بتناول البقول
والبروتينات باى كميه
وممكن تاكلى الفراخ محمره عادى
وممكن سمك مقلى عادى
والمقليات مرتين بس فالاسبوع
وطبعا اى مخبوزات ممنوعه
وممكن تشربى لبن وتاكلى زبادى وجبن
ومش لازم دايت او لايت
بس الجبن الممنوعه هى الشيدر والرومى
والنستو وكيرى طبعا
وعاوزه كمان اقول ان الريجيم ده
ينفع للحوامل والرضاعه عادى
انا حامل دلوقتى وعملته تانى وخسيت خمسه كيلو
ودكتور النسا هو الى قالى عليه
ودكتورتى الان برضه قالتلى عليه
وقالت غير مضر اطلاقا اطلاقا
ويارب كلنا نخس فصحه وده المهم
واى حد عنده انييميا او خايفه منها
تاخد معلقه عسل اسود كل يوم مع الريجيم
ومتخفش مش هيأثر
وطبعا اوعوا تنسوا اليوم الفرى
ده مهم جدا وتاكلى الى انتى عاوزاه فيه عادى
وده بيكون مره كل اسبوع
وتوزنى يومها الصبح قبل الاكل
وربنا يوفقكم يارب
ونسيت كمان اقول حاجه مهمه
لو جوعتوا بين الوجبات
مسموح وباى كميه
خيار_جزر_فلفل رومى_خس
بس مش مع بعض
وباى كميه عادى
وده لينك الجزء الأول
https://fatakat.univanet.com/#1437912
مبروووك علينا الجزء التانى يا قمراتى وعقبال ال 20 بس نكون خسينا كتير
انا كنت ناوية أقفل باب الاشتراك علشان أقر اتابع كل البنات لكن بصراحة مش هقدر أزعل حد
باب الاشتراك فى الجروب مفتووووووح بس بالله عليكم اللى هتشترك تلتزم وتواظب على اليوميات لانى مش هقدر ادور على حد ملتزمش
وأى سؤال كلنا فى الخدمة
مش هوصيكم بالتقييييييم يا بنات علشان الموضوع يتثبت
زائرة الليل زائرة الليل 420_5.gif فتكات رائعة Fatakat 420 الأسكندرية – الاسكندرية