السلام عليكم ازيكم
يا احلى فتوكات
امبارح شوفت طريقة عمل الجبنه المقليه ع قناة فتافيت للشيف دعد الاردنيه المهم لقيتها سهله جدا والمكونات عندى قلت اجربها للعشا وخصوصا ان كلنا بنعشقها
صوره الاول وبعدين نتكلم
شايفين شكلها جنان ازاى
ودى بعد ما حطيتها فالسندويتشات بس تدهنى العيش الاول مايونيز وكاتشب او حسب ما تحبى
انا مكنش عندى الموتزريلا القطع فاستعملت بدالها الشيدر القوالب بس ملح خفيف
قطعتها مستطيلات سميكه
وجهزت طبق فيه دقيق ونشا ومعلقة توم بودر المجفف
وطبق فيه بيض ولبن ورشة فلفل اسود
وطبق فيه بقسماط
الطريقه بتحطيها الاول ف البيض وبعدين الدقيق ونكرر العمليه تانى بيض ودقيق واخر مره بيض وبقسماط
كل ده علشان نعمل طبقه سميكه ع الجبنه علشان الزيت ميدخلش جواها
نحطها ف الفريزير ع الاقل نص ساعه
ف طاسه صغيره نملى زيت كتير علشان لازم الزيت يبقى غزير وسخن وبعد ما يسخن نهدى النار شويه تبقى متوسطه ونحمرها ونطلعها ع ورق مطبخ وبالهنا والشفا
وكنت عامله كمان كيك الشيوكولاته الرائع وانا خلاص اعتمدت طريقة فتوكه هنا اسمها جيسى 2024لانها بصراحه اجمل طريقه للكيكه دى بس انا بستعمل النسكويك بدل الكاكاو وطبعا ده بيخلى الطعم خطيييييير وبتبقى غنيه جدا بالشوكولاته اللى كلنا بنحبها
دى صورتها كنت عاملاها ف الفورمه بس الصوص سايح حواليها اعذرونى ع الشكل
وده شكلها من جوا شايفين هشه ازاى
ف امان الله يافتوكاتى اوعى تنسي تقيمى مواضيع هذا القسم برعاية
البت سماسم البت سماسم 138186_11.gif سوبر فتكات Fatakat 138186 قلب الدنيا – الدنيا