السلام عليكم
انا عندى مشكله من وانا فى 3 ثانوى
بحس انى مش واثقه فى نفسى
لما بمشى فى الشارع بحس كأن الناس كلها بصالى واول ما احس كده بترعش اثناء المشى
لما باجى اشرب حاجه عند حد او فى كافيه وآجى ارفع الكوبايه عشان اشرب رقبتى بتترعش وايدى بتترعش لازم يكون محدش شايفنى وانا بشرب عشان اعرف اشرب من غير ما اترعش وكذلك مش بعرف اكل قدام حد
معنديش الجرأه انى اطلع اقول كلمه مثلا او اى حاجه قدام ناس كتير شيفانى وسمعانى جسمى كله هيترعش وصوتى هيترعش
والفكره انى مش مثلا حسه انى اقل من غيرى بالعكس انا فى كليه قمه والمجال اللى انا فيه عايز حد واثق فى نفسه او حتى اى شغل بيبقى عايز كده لان المفروض اعرف اتعامل مع الناس عادى واتكلم عادى بطبيعتى من خير الحجات دى كلها ما تحصلى
قبل 3 ثانوى كنت بمشى فى الشارع واثقه فى نفسى جدا وكان عندى هدف انى ادخل الكليه اللى انا فيها دلوقتى وابقى حاجه كبيره اوى ومكنش عندى اى مشكله من اللى بتحصلى دى خالص
الموضوع ده حصلى فجأه كده
ومسببلى مشكله ومتضايقه جدا
ياريت حد يقيدنى من الدكاتره ويقولى ايه ده واعالجه ازاى ؟
انا مش عارفه اعيش كده
فدا بلادى تروح الروح فدا بلادى تروح الروح فتكات حبوبة Fatakat 1099616 اسكندريه – مصر