مساء الجمال على الفتوكات السهرانين
كل عام وانتوا بخير
"سبحان الله عدد ماكان ومايكون وعدد الحركات والسكون"
تعالوا نشوف طريقتى فى تخزين التوم وان شاء الله هتعجبكم☺
ادى التوم الحلو اهو بربطته هههههههه
نقصص العيدان الطويلة دى وننضفه خالص يبقي الروس بس
بعدين نقشر القشرة اللى بره ونسيب الفصوص بقشرتها بس نفرطهم يعنى
اهو زى الصورة
ولما نخلص الكمية كلها
وانا انصحكووا تعملوا نص ولما يخلص اعملوا تانى عشان متتعبوش
لما نخلصه ننقعه فى ميه لحد تانى يوم
دى تانى يوم
هتيجى تقشريه بقي القشرة هاتتطلع معاكى بكل سهولة ان شاء الله
عارفة لما تكونى ماسكة بلحة سودا مستوية القشرة بتتطلع مجرد ماتمسكيها فى ايديك
اهو القشرة التوم بتكون زيها
وتقشريه لو انتى سريعة مش هياخد فى ايدك نص ساعة
اهوبعد ماخلصته
وعلى المفرمة نفرمه حلو ونحط معاه شوية زيت صغيرين
ولو معندكيش مفرمة ولايهمك
تفرميه فى الخلاط وحطى زيت زيادة شوية عشان يسهل الحركة
وانا فرمته كمان
وبعدين نقلب فيه حبه ملح
ونحطه فى كيس تلاجة ونبططه كويس عشن يبقي رقيق ولما تطلعيه تقطعى منه بالمعلقة يتكسربسرعة
على عكس مايكون كولكيعه
وطبعا تاخدى منه بمعلقة نضيفة بلاش اللى تكونى بتقلبي بيها فى الاكل
لاااااااااا
تجيبي معلقة نضيفة تاخدى بيها عشا متبوظيش الباقي
يارب اكون افدتكم لو بمعلومة بسيطة
"حسبنا الله سيؤتينا الله من فضله انا الى الله راغبون"
مواضيع هذا القسم برعاية
جوزى وبناتى هما حياتى جوزى وبناتى هما حياتى 634537_16.gif فتكات ست الكل Fatakat 634537 الدور التانى ملحوظة:كنا فى الدور الرابع بس عشان السلم ومفيش اسانسير عزلنا للدور التانى☺ – مصر