لو سمحتوا انا عندى مشكله فى جفون عينى على طول عندى التهاب فى جفون عينى وطبعا فى حرقان ولسعه رهيبه اوقات مش بقدر اتحملها
المشكله كمان بقى فى شكل جفون عينى على طول خشنه يعنى وارمه وفيها خشونه وناشفه يعنى لو حطيت عليها كريم بيخلى شكل عينى وجفونى كانهم مقشفين ( يارب اكون وصلتلكوا الشكل العام لعذابى مع الجفون ) احيانا بيبقى جفاف عينى مصحوب باحمرار جوه عينى نفسها
انا بقالى فى الموال دا حوالى اربع سنين رحت لدكاتره اسكندريه كلهم كبير وصغير والله حياتى كلها عند دكاترة العيون واخد العلاج وابقى كويسه لمدة اسبوعين وارجع تانى لنفس الموال
وممكن علاج يخلينى كويسه لمدة شهر وبرده ارجع تنى استخدمت مراهم كتير زى ( توبراديكس – توبرين – ديكساترون – ومراهم تانيه مش فاكره اسمه ) اغل المراهم فيها كورتيزون ودى مشكله
استخدمت قطرات كتير اوى افضلهم كانت ( فلوكا ) بس شهر وعينى ترجع تانى
انا المره دى بكتبلكم بعد ما كشفت الكشف الاخير عند دكتور كبير اوووووى الكلام دا كان من اسبوعين وكتبلى على قطره روحتله بعد اسبوع وانا عنيا وارمه قلتله مفيش اى نتيجه قالى لا فى نتيجه وكتبلى على قطرة تانيه باخدها دلوقتى ووالله العظيم حاسه ان جفنى ورم اكتر واللسعه والحرقان بتوع جفونى حيموتونى
معلش انا طولت عليكوا بس تعبت من موضوع عينى وجفونى دا
لو حد عنده نفس حالتى وخف او اخد علاج وجاب نتيجه ايجابيه او يعرف دكتور كويس فى اسكندريه ياريت تقولى عليه ربنا يجازيكوا خير
عازفة الاوتار الشرقيه عازفة الاوتار الشرقيه فتكات رائعة Fatakat 802451 الاسكندريه – مصر