السلام عليكم ورحمة الله وبركاته
لو سمحتم يا جميلات عندي طلب من الفتوكات ودكتورات الاسنان انا عاوزة اعمل تقويم شفاف اللي بيتشال ويتركب هل فعلا بياخد من 4 الي 8 شهور وهل نتيجته ثابته؟ وانا عندي تقدم وبروز ف الاسنان الامامية الصف اللي فوق شويه واسناني مفيش بينها فروقات خالص هل الدكتور هيخلعلي الاول ولا هيبرد الاسنان عشان يوسع مسافه بينها والبرد ده مش غلط علي الاسنان؟؟؟
وعاوزة دكتور او دكتورة نضيفة وشاطرة ف المنصورة ياريت وتكون اسعارهم حلوة يعني متعديش 3 الاف خالص.
واستفسار تاني مهم اوي بقالي 3 سنين تقريبا بيحصلي طرقعه ف الفك اليمين وبتزيد وبقي بيعلق وساعه الاكل او شرب الشوربة مثلا بيعلق ويقف او لما اتاوب وساعات يصحيني علي وجع رهيب من النوم وعاملي صداع ودوخة والم ف ودني مع احساس غريب ان ودني فيها عرق بينط ويتحرك وبيوجعني مفروض اروح لدكتور ايه بالظبط وعندي دروس العقل الاتنين قريت انهم ممكن يكونوا السبب ولازم يتشالوا او انه بسبب من الغضاريف بتاعت الفك متحركة عن مكانها وانه لازم اشعه سالفومتريه تقريبا وبانوراما مش متذكرة الاسامي صح ولا غلط نطقها كده؟
ساعدوني ياريت ف الموضوع ده لانه تاعبني بقاله كام سنه وكنت فاكراها حاجه عاديه مؤقته وبتروح…منتظرة ردودكم وميرسي مقدما.
riridididodo riridididodo سوبر فتكات Fatakat 199781 المنصورة – مصر