السلام عليكم و رحمة الله
طبعا كل ام فتوكة مرت بالتجربة دى عملت حاجتين اولا جات هنا بتعيط تدور عل حل
ثانيا كتبت تجربتها علشان تفيد غيرها
و انا عملت الاتنين اهو
قبل ما اتكلم ابوس ايد كل حاااااااااااااااااااامل من الشهر التامن تجبى كريو و الافضل فازلين و تدهنى حلمات الثدى مرتين فى اليوم صبح و ليل و تشدى الحلمة لبرة و تطريها خاااااااااااااااالص
علشان متشوفيش العذاب المؤلم اللى اخواتك حسوا بيه
خلينا دلوقتى فى اللى بتتعذب من الالم انا حاسة بيكى طبعا الم رهيب مع كل رضع خصوصا اولها
و تردد فى انك ترضعى البيبى اصلا
طيب دلوقت ايه الحل
انا كنت بدهن بردوا و مفيش فايدة جتلى تشققات و مش هوصفلك لو انتى عندك اكيد حاسة بيا
المهم التشققات دى من الاخر متوقفيش الرضاعة معلش استحملى الجرح مع الرضاعة هيدبل و هيموت و مش هترجعى تحسى بالالم تانى
بس متوقفيش الرضاعة اهم حاجة و لا تعصرى صدرك فى ببرونة كل ده هيطول المدة
بصوا انا اهلا متشققة عندى طبيعى و كنت فكرة انهامش هتوجعنى لان طبيعتها طول عمرها كده بس طبعا مع الرضاعة الحلمة المتشققة بقت تنزل دم بسيط و السليمة اتشققت
امى لانها كنت زيى قالتلى استحملى ابنك كل ما يرضع هو اللى هيخففك قولتلها ازاى دانا بموت يا امى قالتلى معلش يا بنتى منا كنت زيك و كنت برضعك و اصرخ بس الضنا غالى و مش هيهون عليكى تسيببه جعان
خصوصا بقى اللى عندهم الصفرا و مبتخلصيش من كلمة رضعيه كتير هو طبعا الحل الرضاعة الكتير علشان الصفرا تنزل
بس وقتها بكون الموضوع مؤلم و مش بتبقى يزة تسمعى صو ت حد اصلا
فأهم حاجة متوقفيش الرضاعة و فعلا انا فضل التشققات موجودة شكلا بس مبقتش حاسة بيها فعلا الجرح دبل و مات
و اللى هيسعدك كمان بصى تدهنى الحلمة بلبنك بعد الرضاعة لان اللبن ده معقم و احسن من اى كريم فى الدنيا و ده كلام دكتور الاطفال
بتاع ابنى بس كنت خلاص خفيت
ثانيا فى كريم اسمه افالون لونه موف ومكتوب عليه لألام الامهات المرضعات ب 49 ج هو للحلمة فقط مبيدهنش على اى حاجة تانية
خلى بالك علشان فى كريم تانى اسمه افالون بس كريم ترطيب عادى مش هو ده
و قبل الرضاعة تجيبى قطنة تحطيها فى مية مغلية و تسبيها تدفى و تمسحى صدرك و تسمى و ترضعى و استغفرى طول ما انتى بترضعى
و بعدين تدهنى الحلمة باللبن بعد الرضاعة و بعدين تحطى كريم افالو ن
و ان شاء الله هتبقى زى الفل كام يوم ومش هتحسى بيهم خالص ان شاء الله
و استخدمى مناديل الرضاعة تحفففففففففففففففففففففففففففففففففففففففففففففففف ففففففففففففففففففففففففففة
معلش لو كان كلامى ملغبط لانى كل شوية بكتب حتة اللى عندها بيبى مبتشوفش قدامها اصلا هههههههههههههههههههه
ادعولى ربنا يباركلى فى ابنى و جوزى و يجعلنا من اهل الجنة
استودعكم الله
yasmin* yasmin* فتكات متميزة Fatakat 222747 الاسكندرية عروس البحر المتوسط – مصر ام الدنيا
