السلام عليكم
بصوا يا جماعه انا رحت المستشفى اكشف على باطى وطلع عندى غدة عرقية ملتهبه والدكتور مكتبليش على اى حاجه قالى متستعمليش مزيلات خالص والمنطقه تتغسل بالميه والصابون مرتين تلاته فى اليوم
طلعت من عياده الجراحه على عياده الاذن لانى كنت بدوخ جامد ..كشف وهو بيكشف لقيته بيبص لرقبتى مع انى مكنتش رايحه اكشف عليها اصلا قالى اعمليلى اشعه على الرقبه عشان الغده عندك باينه من رقبتك وده مش المفروض يحصل (هو بيقول ده عادى وبتحصل لبنات كتير فىالسن ده والانتفاخ بسيط بس للاطمئنان) ..طلعت من عيادة الاذن على عياده الجراحه تانى اتاكد من كلامه ..الدكتور كشف على رقبتى قالى انتى عندك زياده فى هرمون الغدة الدرقيه و قال لماما جوزيها (ههههه ) قالها لان الجسم بيحتاج هرمونات مش بيلاقيها فالغده بتكبر وبتفرز هى الهرمونات دى ..المشكله انه ادانى التروكسين 100 اللى بياخدوه اللى عندهم نقص مش فرط فى الهرمونات بتاعت الغده ..المهم انا هروح بكره اعمل اشعه وتحاليل فى مصطفى محمود
بس انا قالى يويمن بعمل سيرش على الكلام اللى اتقال
لقيت ان الغده العرقيه ليها علاجين يالمضادات الحيويه الموضوعيه او اللى بالفم لو منفعش يبقى بالجراحه وهو الصراحه مكتبليش على اى حاجه ..كمان لقت ان فى غدد عرقيه اعلى الفخدين ناحيه المناطق الحساسه وان دى كمان لو فيها الم يبقى مشكله الغدد العرقيه مش بسيطه ..انا بيجيلى زى نغزة كده بس كل فتره كبيره فى فخدى مش متواصل خالص عشان كده مجاش فى بالى اقول للدكتور ولا هو سئلنى
ثانيا الغده الدرقيه اصلا لما عملت سيرش لقيت ان زيادتها بتعمل خمول جنسى اصلااا ..فكلام مش متركب ..ده غير انى انسه اصلا ..ادعولى يا بنات يطلع التحليل بسيط وتكون حاجه بسيطه ومفيش منها مشكله فى الغدتين ولو فى دكتورة هنا تيجى تطمنى انا الصراحه جبت التروكسن ومخدتوش لحد دلوقتى لحسن يزود المشكله او يعمل جحوظ ولا مشكله تانيه وخصوصا لانى لقيت مشاكل فرط هرمون الدرقيه دى كتير ..وادعولى بقا الاقى ابن الحلال عشان نخلص من السؤال المستفز بتاع انتى متجوزة ولا لا
نسيت اقولكم انى شعرى بيتساقط .. ومعنديش انيميا جامده لا بسيطه جداا 11 والمفروض تبقى 11ونص فرق بسيط يعنى ..وصورة الدم عندى الدكتور شافها قالى مفيش اى مشاكل والبريود عندى اتاخرت الشهر اللى فات اسبوعين لاول مره وهى طول عمرها منتظمه والشهر ده عدت ال 3 اسابيع
مجنونة رسمى مجنونة رسمى 439936_9.gif فتكات هايلة Fatakat 439936 بيت ابويا – مصر حبيبتى