السلام عليكم يا فتوكات
انا بنتى عندها 4سنوات و3شهور وانا بدربها على التواليت من وهى عندها سنة و10 شهور يعنى تقريبا بقالى سنتين وشوية شايلة البمبرز وبدرب لكن مافيش فايدة انا استغفر الله العظيم يأست البنت لسه بتبل نفسها وهى صاحية مع العلم انها وهى نايمة مش دايما تبل نفسها بالعكس كل فين وفين لما تعملها
وده اللى مجننى يعنى وهى واعية بتعملها مش هضحك عليكو انا بقالى كتير فاقدة السيطرة على نفسى وبقيت اضربها جامد ودى حاجة مضيقانى
بعد ما اضربها اقعد اعيط واقول ايه الافترى اللى انا فيه
ووديتها للدكتور من كام شهر قالى 4 سنين الا يوم مقدرش الوم على البنت وبصراحة مقتنعتش
ياري الله يكرمكو انا خلاص استويت ولا بنعرف نخرج ولا حد يجيلنا طبعا ببقى قاعدة كل شوية اروح ادخلها التواليت واشوفها مبلولة ولا لا ودى حاجة متعبة جسديا ونفسيا
حد يقولى حل او علاج الله يكرمكو وحد يعبرنى احسن انا عمرى ماكتبت حاجة وحد عبرنى
safsoufams safsoufams images/avatars/oddfellow2sm.gif فتكات حبوبة Fatakat 771285 بريدة – السعودية
سبحان الله و بحمده