المقادير:
ا ك لحم استيك (شرائح)
4 ملعقة بصل مبشور( حوالى نص بصلة متوسطة)
مشروم مقطع شرائح
3فصوص ثوم مهروس
نص كيلو كريمة لبانى
2 ملعقة زبدة
ملح + فلفل
روز مارى+ بهارات
(1 ملعقة دقيق صغيرة) ممكن الاستغناء عنها
(كوب لبن) ممكن الاستغناء عنها
الطريقة:
نتبل اللحم من الجهتين بملح وفلفل ونشويه على شواية او فى اى صينية تيفال وكل مرة نعمل قطعتين فطق من اللحم وبعد ما اللحم يتشرب ميته تضيف كل شوية معلقتين مية وبعد ماتسربهم تضيفى تانى لحد ما تحسى ان اللحمة استوت..تسيبها لحد ماتشرب مل المية وتكون الصينيه مافيهاش مية بس بيكون فيها لون بنى من تشويح اللحم .. بالمعلقة تضغطى على اللحم فى الصينية رايح جاى عشان اللون البنى يلزق فى اللحمة..
وتكملى كل كمية اللحم اللى عندك بنفس الطريقة..
فى نفس الصينية حطى الزبدة وشوحى الثوم وبعدين حطى المشروم بتاعك وسيبه يتشوح برضه مع الثوم لحد مايعمل معاكى صوت سقسقة.. حطى البصل وقليبى لحد مالبصل يذبل وممكن تحطى ملح وفلفل اسود.. بعدين حطى الكريمة اللبانى كلها وسيبها لحد ماتغلى … وهاتاخد لون النسكافية او الموكة من تشويح اللحمة..
(ممكن تحطى كوب اللبن وعليه معلقة الدقيق بس مش بتبقى حلوة اوى يعنى لان الدقيق بيعمل كتل صغيرة حتى لو قلبتيه كويس فى اللبن وكمان لو كية الدقيق زادت بيلغى طعم الكريمة)
بعد ما الكريمة تتقل شوية رصى اللحم كله فى الصوص وقلبى لحد ماللحم يتشرب شوية مش كتير من الصوص …حطى البهارت والروز مارى وممكن لو مش عندك روز مارى تحطى حبهان….
جربيها وقوللى رأيك…….. 
https://content.sweetim.com/tbsig/sig.asp?img=ad1 مواضيع هذا القسم برعاية
ousha gamal ousha gamal 134125_11.gif فتكات ست الكل Fatakat 134125 مصر الجديدة – مصر